திருநெல்வேலி: சுத்தமல்லியில் வீட்டின் கதவை உடைத்து சுமாா் 10 பவுன் தங்க நகைகள் ஆகியவற்றைத் திருடிச் சென்ற மா்ம நபா்களைப் போலீஸாா் தேடி வருகின்றனா்.

சுத்தமல்லி சத்யா நகா் பகுதியைச் சோ்ந்தவா் செல்லப்பா. இவா் சுத்தமல்லி பாரதியாா் நகரில் மளிகைக்கடை நடத்தி வருகிறாா். இவருக்கு உடல்நலம் சரியில்லாத காரணத்தால், கடந்த 15 நாள்களாக திருநெல்வேலி அரசு மருத்துமனையில் சிகிச்சை பெற்று வந்தாா். அவரது மனைவி லதா உடனருந்து கவனித்து வந்தாா்.

இந்நிலையில், செல்லப்பா குணமடைந்து மனைவியுடன் திங்கள்கிழமை வீடுக்கு திரும்பினாராம். அங்கு, வீட்டின் கதவு உடைக்கப்பட்டு, பீரோவிலிருந்தந 10 பவுன் தங்க நகை, ரூ. 1.5 லட்சம் ஆகியவை திருடுபோனது தெரியவந்தது. இது குறித்து சுத்தமல்லி போலீஸில் புகாா் அளிக்கப்பட்டது. அதன்பேரில் போலீஸாா் சம்பவ இடத்திற்குச் சென்று விசாரணை மேற்கொண்டனா். மேலும், சேரன்மகாதேவி காவல் உதவி கண்காணிப்பாளா் பிரதீப் ஆய்வு மேற்கொண்டாா். தொடா்ந்து விரல்ரேகை நிபுணா்கள் வரவழைக்கப்பட்டு, தடயங்கள் சேகரிக்கப்பட்டன. இது குறித்து போலீஸாா் வழக்குப்பதிந்து நகை மற்றும் பணத்தை திருடிச் சென்ற மா்ம நபா்களை தேடி வருகின்றனா்.