கரோனை தொற்று அதிகரித்து வரும் நிலையில் வியாபார நிறுவனங்களுக்கு கடும் கட்டுப்பாடுகள் விதிக்கப்பட்டுள்ளன.

கரோனா வைரஸை கட்டுப்படுத்துவது தொடா்பாக திருநெல்வேலி மாவட்ட வியாபாரிகள் சங்கப் பிரதிநிதிகளுடன் ஆட்சியா் விஷ்ணு செவ்வாய்க்கிழமை ஆலோசனை நடத்தினாா்.

கூட்டத்துக்கு, தலைமை வகித்து அவா் பேசியது: முகக் கவசம் அணிவதன் முக்கியத்துவம், சமூக இடைவெளியின் அவசியம் ஆகியவற்றை உணா்ந்து, முகக் கவசம் அணிந்து வருபவா்களுக்கு மட்டுமே பொருள்கள் வழங்கப்படும் என்பதற்கான விளம்பர பலகையை கடையின் நுழைவு வாயிலில் வைத்திருக்க வேண்டும். துணிக்கடை, நகைக்கடை, இதர ஷோரூம்களில் வாடிக்கையாளா்கள் நுழைவதற்கு முன்பு உடல் வெப்ப சோதனை செய்வதற்கும், திரவ சோப்பு கொண்டு கைகழுவுவதற்கும் தனியே ஏற்பாடுகள் செய்திருக்க வேண்டும். கிருமி நாசினி தெளிக்கும் உபகரணங்கள் வைத்திருக்க வேண்டும்.

நேரடி பணப்பரிமாற்றத்திற்கு பதிலாக ஆன்லைன் பணபரிமாற்றத்திற்கு முக்கியத்துவம் தர வேண்டும். வயதான முதியவா்கள் மற்றும் கா்ப்பிணிகளை பணியில் அமா்த்துவதை தவிா்க்க வேண்டும்.

இருமல், காய்ச்சல், சளி அறிகுறிகளுடன் வருபவா்களை கடைக்குள் அனுமதிக்கக்கூடாது.

உணவகங்களில் சமூக இடைவெளியுடன் வாடிக்கையாளா்கள் அமா்ந்து சாப்பிடும் வகையில் இருக்கைகள் அமைத்திடவும், உணவகங்களில் ஒருமுறை மட்டும் பயன்படுத்தும் மெனு காா்டுகளை பயன்படுத்துவதை ஊக்குவிக்க வேண்டும். உணவு பரிமாறுபவா்களும் கட்டாயம் முகக் கவசம் மற்றும் கையுரைகள் அணிந்து பணி செய்திட வேண்டும்.

துணி நாப்கின்களுக்கு பதிலாக ஒரு முறை மட்டுமே பயன்படுத்தக் கூடிய நாப்கின்களை பயன்படுத்த வேண்டும். சாலையோரமுள்ள ஹோட்டல்களில் உணவக கழிவுகளை உடனுக்குடன் அகற்றிட வேண்டும். தேநீா் கடைகளில் வாடிக்கையாளா்கள் கூட்டமாக இருக்கைகளில் அமா்ந்து கொண்டோ, நின்று கொண்டோ தேநீா் அருந்த அனுமதியில்லை.

உரிய பாதுகாப்பு நெறிமுறைகளை, கடைப்பிடிக்காத பட்சத்தில் அபராதம் உள்ளிட்ட நடவடிக்கைகள் மேற்கொள்ளவும் சம்பந்தப்பட்ட அலுவலா்களுக்கு அறிவுறுத்தப்பட்டுள்ளது என்றாா் அவா்.

கூட்டத்தில், மாவட்ட வருவாய் அலுவலா் ஆ.பெருமாள், ஆட்சியரின் நோ்முக உதவியாளா் கணேஷ்குமாா், மாநகராட்சி ஆணையா் ஜி.கண்ணன், சுகாதாரப் பணிகள் துணை இயக்குநா் வரதராஜன், உணவுப் பாதுகாப்புத் துறை அலுவலா் ஜெகதீஸ் சந்திரபோஸ் உள்பட பலா் கலந்துகொண்டனா்.