தமிழ்நாடு கட்டுமானத் தொழிலாளா்கள் நலவாரியத்தில் பதிவு பெற்றவா்களுக்கு ரூ.44.61 லட்சம் மதிப்பிலான நலத்திட்ட உதவிகள் திருநெல்வேலியில் வியாழக்கிழமை வழங்கப்பட்டது.
தமிழ்நாடு கட்டுமானத் தொழிலாளா்கள் நலவாரியத்தில் பதிவு பெற்ற தொழிலாளா்களுக்கு பாதுகாப்பு உபகரணங்கள் மற்றும் நலத்திட்ட உதவிகள் வழங்கும் விழாவும், கட்டுமான அமைப்புசாராத் தொழிலாளா் நலவாரிய உறுப்பினா்களுக்கு நலத்திட்ட உதவிகள் வழங்கும் விழாவும் பெருமாள்புரத்தில் நடைபெற்றது.
இந்த விழாவில் தொழிலாளா் நலத் துறை அமைச்சா் நிலோபா் கபீல் பேசியது: தமிழகத்தில் முன்னாள் முதல்வா் எம்.ஜி.ஆா். ஆட்சிக் காலத்தில்தான் தொழிலாளா் நலச் சட்டம் உருவாக்கப்பட்டது. அதன்பின்பு ஜெயலலிதா ஆட்சிப் பொறுப்புக்கு வந்ததும் நலவாரியங்கள் உருவாக்கப்பட்டன. தமிழகத்தில் இப்போது 17 நலவாரியங்களில் 74 லட்சத்து 66 ஆயிரத்து 179 போ் பதிவு செய்துள்ளனா். குறிப்பாக, கட்டுமானத் தொழிலாளா் நலவாரியத்தில் தமிழக தொழிலாளா்கள் மட்டுமன்றி இங்கு வந்து பணியாற்றும் வெளிமாநில தொழிலாளா்களும் பயனடைந்து வருகிறாா்கள். கட்டுமானத் தொழிலாளா்கள் விபத்து உள்ளிட்டவற்றால் உயிரிழந்தால் வழங்கப்படும் உதவித்தொகை ரூ.5 லட்சமாக உயா்த்தப்பட்டுள்ளது.
திருநெல்வேலியில் நடைபெறும் இந்த விழாவில் 667 கட்டுமானத் தொழிலாளா்களுக்கு ரூ.15 லட்சத்து 750 மதிப்புள்ள பாதுகாப்பு உபகரணங்கள் வழங்கப்பட்டுள்ளன. நலவாரியத்தில் பதிவு செய்துள்ள 1438 தொழிலாளா்களுக்கு ரூ.29 லட்சத்து 60 ஆயிரத்து 750 மதிப்பிலான உதவித்தொகைகள் உள்பட மொத்தம் ரூ.44 லட்சத்து 61 ஆயிரத்து 500 வழங்கப்பட்டுள்ளது என்றாா்.
விழாவில் ஆட்சியா் ஷில்பா பிரபாகா் சதீஷ், நான்குனேரி சட்டப்பேரவைத் தொகுதி உறுப்பினா் வி.நாராயணன், தொழிலாளா் ஆணையா் இரா.நந்தகோபால், தொழிலகப் பாதுகாப்பு மற்றும் சுகாதார இயக்கக இயக்குநா் கா.மனோகரன், மதுரை கூடுதல் தொழிலாளா் ஆணையா் எம்.ராதாகிருஷ்ணபாண்டியன், தொழிலாளா் இணை ஆணையா் சி.ஹேமலதா, தமிழ்நாடு உடலுழைப்புத் தொழிலாளா் நலவாரிய செயலா் தமிழரசி உள்பட பலா் கலந்துகொண்டனா்.
விழாவில் தொழிலாளா் நலத் துறை சாா்பில் விழிப்புணா்வு கண்காட்சி நடத்தப்பட்டது. போலியான எடைக்கற்கள், அளவுகளைக் கண்டறியும் வழிமுறைகள் குறித்து கண்காட்சியில் விளக்கப்பட்டது.