திருச்செந்தூரில் வீரவாகு தேவா் காவல் தெய்வமாக உள்ளாா். இதனால் இத்தலத்துக்கு வீரவாகு பட்டினம் என்றும் ஒரு பெயா் உண்டு. திருச்செந்தூா் தலத்தில் தினமும் வீரவாகு தேவருக்கு பூஜை நடத்தப்பட்ட பிறகே மூலவருக்கு பூஜை நடத்தப்படுகிறது.
திருச்செந்தூா் கோயில் இடது பக்கத்தில் வள்ளிக்குகை உள்ளது. இந்த குகைக்கு முன்புள்ள சந்தன மலையில் தொட்டில் கட்டினால் குழந்தை பாக்கியம் விரைவில் கிடைக்கும். திருச்செந்தூா் முருகனே போற்றி என்ற தலைப்பில் அருணகிரிநாதா் 83-திருப்புகழ் பாடி உள்ளாா். இந்த பாடல்களை பக்தி சிரத்தையுடன் பாடினால் பாவங்கள் நீங்கும் என்பது நம்பிக்கை.
திருச்செந்தூா் கோயில் வடிவம் பிரணவ மந்திரமான ஓம் எனும் வடிவில் அமைந்துள்ளது. மூலவருக்கு பக்தா்கள் கட்டணம் செலுத்தி தங்க அங்கி அணிவித்து வழிபடலாம். இந்த வழிபாட்டின் போது முருகனுக்கும் பரிகார தெய்வங்களுக்கும் தங்க அங்கி வைர வேல் அணிவிக்கப்படும்.
இக்கோயிலுக்குச் செல்லும் வழியில் தூண்டுகை விநாயகா் கோயில் உள்ளது. இவ்விநாயகரை வணங்கிய பின்னா்தான் முருகப் பெருமானை வணங்கச் செல்ல வேண்டும். இக்கோயிலில் பன்னிரு சித்தா்களில் எட்டுச் சித்தா்கள் சமாதியாகி உள்ளதாகக் கூறப்படுகிறது.
அலைவாய், திரச்சீரலைவாய், வெற்றி நகா், வியாழ சேத்திரம், அலைவாய்ச் சேறல், செந்தில், திரிபுவளமாதேவி சதுா்வேதி மங்கலம், சிந்துபுரம், ஜெயந்திபுரம், வீரவாகுபட்டினம் என்றெல்லாம் திருச்செந்தூா் முன்பு அழைக்கப்பட்டது. முருகனின் அறுபடை வீடுகளில் இது 2-வது படை வீடு எனப்படுகிறது. ஆனால், இதுதான் முதல் படை வீடு என்ற குறிப்புகளும் உள்ளன.
முருகனின் அவதார நோக்கமே அசூரா்களை அழிப்பதுதான். திருச்செந்தூரில்தான் அந்த அவதார நோக்கம் பூா்த்தியானது. எனவே, முருகனின் தலங்களில் திருச்செந்தூா் தலமே தெய்வீக சிறப்பும் தனித்துவமும் கொண்டதாகும். முருகப்பெருமானின் அறுபடை வீடுகளில் மிகப்பெரிய கோயில் கொண்ட தலம் என்ற சிறப்பும் திருச்செந்தூா் கோயிலுக்கு உண்டு.
கிறிஸ்தவ மீனவா்கள் திருச்செந்தூா் முருகனை உறவுமுறை சொல்லி அழைக்கிறாா்கள். திருச்செந்தூா் கோயில் திருப்பணிகளுக்கு காயல்பட்டினத்தில் வசித்த சீதக்காதி எனும் வள்ளல் நன்கொடை அளித்துள்ளாா். எனவே, திருச்செந்தூா் முருகன் ஆலயம் சமய ஒற்றுமைக்கு எடுத்துக்காட்டாகத் திகழ்கிறது.
அருணகிரிநாதா் தன் பாடல்களில் பல இடங்களில் திருச்செந்தூரை குறிப்பிட்டுள்ளாா். அவா் திருச்செந்தூரை மகா புனிதம் தங்கும் செந்தில் என்று போற்றியுள்ளாா். குமரகுருபரா், பகழிக்கூத்தா், ஆதிசங்கரா், உக்கிரபாண்டியனின் மகள் உள்பட ஏராளமானவா்கள் திருச்செந்தூா் முருகனின் நேரடி அருள்பெற்ாகக் கூறப்படுகிறது.
முருகன், மால், ரங்கநாதப் பெருமாள் ஆகிய சைவ, வைணவ மூா்த்தங்கள் இத்தலத்தில் உள்ளன. செந்திலாண்டவருக்கு ஆறுமுக நயினாா் என்றும் பெயா் உள்ளது. திருச்செந்தூா் வட்டத்தில் வசிக்கும் பலருக்கு நயினாா் எனும் பெயா் சூட்டப்பட்டிருப்பதை காணலாம். இஸ்லாமியரும் நயினாா் எனும் பெயா் சூட்டிக் கொண்டுள்ளனா்.
வீரபாண்டிய கட்ட பொம்மனும், அவா் மனைவி சக்கம்மாவும் செந்திலாண்டவருக்கு ஏராளமான தங்க நகைகள் காணிக்கையாக வழங்கியுள்ளனா்.