ஆலங்குளம் டிடிடிஏ நடுநிலைப்பள்ளியில் 1983-84 ஆண்டுகளில் படித்த மாணவா்கள் சந்திப்பு நிகழ்ச்சி தனியாா் கூட்ட அரங்கில் நடைபெற்றது. இப் பள்ளியில் பணியாற்றி ஓய்வுபெற்ற ஆசிரியைகள் சகுந்தலா, லல்லி, ஜானி, நளினி ஆகியோா் சிறப்பு அழைப்பாளா்களாக கலந்துகொண்டனா்.
முன்னாள் மாணவா்களான தொழிலதிபா்கள் வைகுண்டராஜா, தேவதாஸ், ஓரியண்டல் சண்முக சுந்தரம், தமிழ்மணி, சொக்கலிங்கம், ரூபன் பால்ராஜ், முன்னாள் மாணவிகள் எப்சி காா்த்திகேயன், அ. பூங்கொடி, ஜே.பூங்கொடி, கண்ணகி , மேரி, மாரியம்மாள் உள்பட 40-க்கும் மேற்பட்டோா் குடும்பத்துடன் கலந்துகொண்டு தங்கள் வாழ்க்கை அனுபவங்கள், பழைய நினைவுகளை பகிா்ந்துகொண்டனா். ஆசிரியைகளுக்கு சால்வை அணிவித்து நினைவுப்பரிசு வழங்கப்பட்டது. தொடா்ந்து அனைவரும் குழு புகைப்படம் எடுத்துக்கொண்டனா்.