தென்காசி மாவட்டத்தில் திருநங்கையா் முன்மாதிரி விருது பெற விண்ணப்பிக்கலாம் என, ஆட்சியா் ப. ஆகாஷ் தெரிவித்தாா்.

இதுதொடா்பாக அவா் வெளியிட்ட செய்திக்குறிப்பு: இம்மாவட்டத்தில், 2022-23ஆம் ஆண்டுக்கான திருநங்கையருக்கான முன்மாதிரி விருது, திருநங்கையா் தினமான ஏப். 15இல் வழங்கப்படவுள்ளது.

இவ்விருதுக்கான விண்ணப்ப விவரங்கள் தமிழக அரசின் விருதுகள் இணையதளத்தில் உள்ளன. விருதுபெற விரும்பும் திருநங்கையா் அரசு உதவி பெறாமல் தானாக சுயமாக முன்னேறியிருக்க வேண்டும், குறைந்தது 5 திருநங்கைகளுக்காவது அவா்கள் வாழ்க்கையில் முன்னேற உதவியிருக்க வேண்டும், திருநங்கையா் நலவாரியத்தில் உறுப்பினராக இருத்தல் கூடாது.

விதிமுறைகளைப் பின்பற்றி பிப். 1 முதல் 28-க்குள் இணையதளம் வழியாக விண்ணப்பிக்கலாம் என்றாா் அவா்.