கடையநல்லூா் நகராட்சிப் பகுதியில் தாமிரவருணி குடிநீா் திட்டத்தின் கட்டமைப்பை மேம்படுத்தக் கோரி தீா்மானம் நிறைவேற்றப்பட்டது.

கடையநல்லூா் நகா்மன்ற உறுப்பினா்கள் கூட்டம், தலைவா் ஹபீபுா் ரஹ்மான் தலைமையில் திங்கள்கிழமை நடைபெற்றது. துணைத் தலைவா் ராசையா, ஆணையா் ரவிச்சந்திரன், நகரமைப்பு அலுவலா் ஹாஜாமைதீன், ஆய்வாளா் கிருஷ்ணகுமாா் ஆகியோா் முன்னிலை வகித்தனா். கணேசன் தீா்மானங்களை வாசித்தாா்.

கடையநல்லூா் நகராட்சி முழுவதும் சீரான தாமிவருணி குடிநீா் விநியோகத்துக்கான கட்டமைப்பு வசதிகளை மேற்கொள்ள தமிழ்நாடு குடிநீா் வடிகால் வாரியம் மூலம் விரிவான ஆய்வு மேற்கொண்டு திட்டத்தை நடைமுறைப்படுத்த முதல்வா், நகா்ப்புற வளா்ச்சித் துறை அமைச்சா் நடவடிக்கை எடுக்க வேண்டும். கடையநல்லூா் நகராட்சியை தோ்வு நிலை நகராட்சியாக தரம் உயா்த்த வேண்டும் என்பன உள்பட பல்வேறு தீா்மானங்களை நகா்மன்றத் தலைவா் கொண்டுவந்தாா். அவை அனைத்தும் நிறைவேற்றப்பட்டன.

மக்களின் பங்களிப்பாக ரூ. 22.67 லட்சம் பெறப்பட்டுள்ளதால் தாமரைக்குளம், அண்ணாமலை பொய்கையை ரூ. 68 லட்சத்தில் மேம்படுத்தவும், விசாலாட்சி ஊருணி, திருமால் விழுங்கி ஊருணியை கலைஞா் நகா்ப்புற மேம்பாட்டு திட்டத்தின் கீழ் மேம்படுத்த ரூ. 66 லட்சம் அனுமதித்தும் தீா்மானம் நிறைவேற்றப்பட்டது. இதுகுறித்து விளக்கமளிக்க வேண்டும் என உறுப்பினா்கள் முகமது அலி, சங்கரநாராயணன், யாசா்கான் ஆகியோா் நகராட்சிப் பொறியாளரைக் கேட்டனா். ஏற்கெனவே பணி செய்யப்பட்ட இடத்தில் மீண்டும் பணி செய்வது தேவைதானா என சங்கரநாராயணன் கேள்வி எழுப்பினாா். செய்யாத பணியை செய்ததுபோல அப்போது காட்டியுள்ளதாக முருகன் கூறினாா்.

உரிய விளக்கத்தை தன்னை சந்தித்து தெரிவிக்குமாறு பொறியாளரிடம், நகா்மன்றத் தலைவா் கேட்டுக்கொண்டாா். கூட்டப்பொருள் தொடா்பான உரிய கோப்புகளுடன் அதிகாரிகள் வந்து பதிலளிக்க வேண்டும் என உறுப்பினா் யாசா்கான் கேட்டுக்கொண்டாா்.

கிருஷ்ணாபுரம் பகுதி முழுவதும் தாமிரவருணி குடிநீா் கிடைக்க நடவடிக்கை எடுக்க வேண்டும்.

2, 3, 4, 5 ஆகிய வாா்டுகளைச் சோ்ந்தோா் பயன்படுத்தும் மயானத்தைச் சீரமைக்க ஒப்பந்தம் கோரப்பட்டு ஓராண்டாகியும் பணி நடைபெறவில்லை என, சுபா ராஜேந்திரபிரசாத் கூறினாா். உறுப்பினா்கள் பாலசுப்பிரமணியன், சுந்தரமகாலிங்கம் உள்ளிட்டோா் பங்கேற்றனா்.

திறப்பு: முன்னதாக, புதுப்பிக்கப்பட்ட நகா்மன்ற கூட்ட அரங்கை கூட்டுறவு சங்கத் தலைவரும் தென்காசி வடக்கு மாவட்ட திமுக பொறுப்பாளருமான செல்லத்துரை திறந்துவைத்தாா். நகா்மன்றத் தலைவா் ஹபீபுா் ரஹ்மான், வடகரை பேரூராட்சித் தலைவா் சேக்தாவுது, கடையநல்லூா் ஒன்றிய துணைத் தலைவா் ஐவேந்திரன் தினேஷ் உள்ளிட்டோா் பங்கேற்றனா்.