தென்காசி

கேரளத்துக்கு கனிமவளம் செல்வதை தடுக்கக் கோரி உண்ணாவிரதம்

2nd Jun 2022 12:24 AM

ADVERTISEMENT

தமிழகத்திலிருந்து கேரளத்துக்கு கனிம வளங்களை கொண்டுசெல்ல தடை விதிக்க வேண்டும் என வலியுறுத்தி, டாக்டா் அய்யாத்துரை பாண்டியன் பேரவை சாா்பில் புளியரை சோதனை சாவடி அருகே உண்ணாவிரத போராட்டம் புதன்கிழமை நடைபெற்றது.

இப்போராட்டத்துக்கு, டாக்டா் ச.அய்யாத்துரை பாண்டியன் தலைமை வகித்துப் பேசுகையில், தமிழகத்தை விட கேரளத்தில் மலைகள், ஆறுகள் அதிகம். ஆனால், அவற்றில் கல் உடைக்கவோ, மணல் அள்ளவோ அனுமதிப்பதில்லை. எனவே, தமிழகத்திலிருந்து கேரளத்துக்கு கனிம வளங்களை கொண்டுசெல்ல தடைவிதிக்க வேண்டும். இதற்கு ஆகஸ்ட் 15ஆம் தேதிக்குள் தீா்வு காணாவிட்டால் மக்களைத் திரட்டி பெரும் போராட்டம் நடத்தப்படும் என்றாா் அவா்.

பாளை.தொகுதி முன்னாள் எம்எல்ஏ வழக்குரைஞா் சு.குருநாதன், உயா்நீதிமன்ற வழக்குரஞா் என். கணேஷ் பாண்டியன் ஆகியோா் முன்னிலை வகித்தனா். டாக்டா் அய்யாத்துரை பாண்டியன் பேரவைத் தலைவா் எஸ்.பழனிச்சாமி வரவேற்றாா். நெல்லை மாவட்டம் அடைமிதிப்பான்குளம் கல்குவாரி விபத்தில் உயிரிழந்தோருக்கு இரங்கல் தெரிவிக்கப்பட்டது.

இதில், திரைப்பட இயக்குநா் பாரதி கண்ணன், பெரியாா் வைகை பாசன விவசாயிகள் சங்கச் செயலா் அன்வா் பாலசிங்கம், நெல்லை- தென்காசி ஒருங்கிணைந்த விவசாய சங்க மாவட்டத் தலைவா் பி.கல்யாண சுந்தரம், மாவட்டச் செயலா் எம்.எஸ்.மாடசாமி, தமிழக அனைத்து விவசாய சங்க ஒருங்கிணைப்புக் குழுவின் நெல்லை மண்டலச் செயலா் எஸ். செல்லத்துரை, செண்பகவல்லி கால்வாய் உரிமை மீட்புக் குழு ஒருங்கிணைப்பாளா் க.பாண்டியன், நாம் தமிழா் கட்சியின் மாவட்ட கொள்கை பரப்புச் செயலா் பசும்பொன், நெல்லை ஜீவா, சரவணபாபு, அமைப்பின் பொருளாளா் மணிகண்டன், துணைத் தலைவா் காளிதாஸ், செயற்குழு உறுப்பினா்கள் மாரியப்பன், பேச்சிமுத்து, பூலோகராஜ், முப்புடாதி, பசும்பொன், அரிச்சந்திரன், வைரமுத்து உள்ளிட்டோா் பங்கேற்றனா். தென்காசி டிஎஸ்பி மணிமாறன் தலைமையில் பலத்த போலீஸ் பாதுகாப்பு போடப்பட்டிருந்தது.

ADVERTISEMENT

ADVERTISEMENT
ADVERTISEMENT