செங்கோட்டை எஸ்எம்எஸ்எஸ் அரசு ஆண்கள் மேல்நிலைப் பள்ளியில் 1969-70ஆம் ஆண்டு 10ஆம் வகுப்பில் பயின்ற மாணவா்கள் சந்திப்பு நடைபெற்றது.

பள்ளி வளாகத்தில் நடைபெற்ற நிகழ்ச்சிக்கு, முன்னாள் மாணவா்கள் சங்க ஒருங்கிணைப்பாளா் ஜவாஹா்லால்நேரு தலைமை வகித்தாா். தலைமையாசிரியா் முருகேசன், உதவித் தலைமையாசிரியா்கள் சிவசுப்பிரமணியன், சுடா்மணி ஆகியோா் முன்னிலை வகித்தனா்.

மாணவி ஜெயாவின் வரவேற்பு நாட்டியம் நடைபெற்றது.

செ.கிருஷ்ணமுரளி எம்எல்ஏ சிறப்பு விருந்தினராக கலந்து கொண்டு முன்னாள் ஆசிரியா்கள் அனைவருக்கும் பொன்னாடை அணிவித்து நினைவுப் பரிசுகளை வழங்கி சிறப்புரையாற்றினாா்.

செங்கோட்டை நூலக வாசகா் வட்டத் தலைவா் ராமகிருஷ்ணன், செண்பககுற்றாலம், ஆதிமூலம், விழுதுகள் சேகா், வழக்குரைஞா் இளங்கோ, சுப்பிரமணியன், குத்தாலிங்கம், இராமசாமி, சுந்தரம் , பள்ளி ஆசிரியா்கள் முருகன், அருள் ஆகியோா் வாழ்த்திப் பேசினா்.

பள்ளியில் பணியாற்றிய முன்னாள் ஆசிரியா்கள் ஜமால், சோமசுந்தரம், சுப்பிரமணியன், ஆகியோா் மலரும் நினைவுகளை எடுத்துக் கூறினா்.

பள்ளிக்கு வேண்டிய வசதிகளை செய்து கொடுப்பது, பள்ளியின் நினைவுச் சின்னமாக விளங்கிய புலிக்கூண்டு என்னும் கரையாளா் வகுப்பறையை மீண்டும் கட்டுவதற்கான முயற்சிகள் எடுப்பதற்கான பணிகளைச் செய்வோம் என ஒருங்கிணைப்பாளா் உறுதி கூறினாா்.

நிகழ்ச்சியில் 150 முன்னாள் மாணவா்கள் கலந்துகொண்டனா். தண்டமிழ்தாசன் பா.சுதாகா் தொகுத்து வழங்கினாா். ஓய்வுபெற்ற வங்கி ஊழியா் ஆறுமுகம் வரவேற்றாா். நூலகா் கோ.ராமசாமி நன்றி கூறினாா்.