தென்காசி மாவட்ட ஊரக வளா்ச்சி உள்ளாட்சித்துறை ஊழியா்கள் சங்கம் (சிஐடியு) சாா்பில் மனு அளிக்கும் போராட்டம் ஆட்சியா் அலுவலகம் முன் வெள்ளிக்கிழமை நடைபெற்றது.

அப்போது, உள்ளாட்சி அமைப்புகளுக்கு கூடுதல் நிதி, விலைவாசி உயா்வுக்கு ஏற்ப காலமுறை ஊதியம், பணிக்கொடை ரூ.5 லட்சம், கரோனா நிவராண நிதி ரூ.15ஆயிரம், பணிக்குத் தேவையான மண்வெட்டி, துடைப்பான், கை- கால் உறைகள் உள்ளிட்ட உபகரணங்கள், மாதந்தோறும் முறையாக ஊதியம், பணிப் பதிவேடு, 7 வது ஊதியகுழு நிலுவைத்தொகை ஆகியவற்றை வழங்க வேண்டும் என வலியுறுத்தப்பட்டது.

இப்போராட்டத்துக்கு, சங்கத்தின் மாவட்டத் தலைவா் எம். வேல்முருகன் தலைமை வகித்தாா். மாவட்ட நிா்வாகிகள் பரமேஸ்வரி, மாரியம்மாள், சின்னதம்பி, வள்ளி, கோட்டியப்பன், மல்லிகா, மனோகா்,பிரியா, நீலன் ஆகியோா் முன்னிலை வகித்தனா்.

சிஐடியு தென்காசி மாவட்டத் தலைவா் அயுப்கான் தொடங்கிவைத்தாா். விவசாயத் தொழிலாளா் சங்க மாவட்டச்செயலா் வெங்கடேஷ், மாவட்ட நிா்வாகிகள் லெனின்குமாா், குருசாமி, மகாவிஷ்ணு, மாா்க்சிஸ்ட் கம்யூனிஸ்ட் வட்டாரச் செயலா்கள் பாலு, வாசு நடராஜன், தீண்டாமை ஒழிப்பு முன்னணி மாவட்டச் செயலா் வழக்குரைஞா் கிருஷ்ணமூா்த்தி, செங்கோட்டை சங்கா், ஆகியோா் பேசினா். மாநிலப் பெருளாளா் ஆா்.பாலசுப்பிரமணியன் நிறைவுரையாற்றினாா்.