தென்காசி

காவல் துறையினா் மீது தாக்குதல்:ஆலங்குளத்தில் 2 இளைஞா்கள் கைது

18th Jan 2022 01:40 AM

ADVERTISEMENT

ஆலங்குளம் அருகே காவல் துறையினா் மீது தாக்குதல் நடத்தியதாக 2 இளைஞா்கள் கைது செய்யப்பட்டனா்.

தென்காசி மாவட்டம், சுரண்டை காவல் நிலையத்தில் உதவி ஆய்வாளராக பணியாற்றி வருபவா், தளவாய்புரத்தைச் சோ்ந்த விமலா (32). இவா், பொங்கல் தினத்தில் ஆலங்குளம் அருகேயுள்ள நெட்டூரில் தனது சகோதரியை சந்திக்கச் சென்றுவிட்டு திரும்புகையில், அங்குள்ள பேருந்து நிறுத்தம் அருகே வழியை மறித்துக்கொண்டு நின்றிருந்த சிலரை வழி விடுமாறு கூறினாராம்.

இதனால், அந்த நபா்கள் விமலாவை கடுமையாக தாக்கி, ஆடையையும் கிழிக்க முயன்றனராம். இதில், காயமுற்ற அவா் அங்குள்ள ஆரம்ப சுகாதார நிலையத்தில் சிகிச்சை பெற்றுக்கொண்டு, ஆலங்குளம் காவல் நிலையத்தில் புகாா் அளித்தாா். அதன்பேரில், போலீஸாா் அப்பகுதியைச் சோ்ந்த வேல்முருகன்(27), மாரியப்பன்(20), கண்ணன்(25), முருகன்(35) ஆகியோா் மீது வழக்குப் பதிந்து 4 பேரையும் தேடி வந்தனா்.

அதில், வேல்முருகன் உடையாம்புளியில் பதுங்கி இருப்பதை அறிந்து கைது செய்ய முயன்றபோது, காவல் ஆய்வாளா் சந்திரசேகரனை அவா் கடித்துவிட்டு தப்ப முயற்சித்தாராம். மேலும், அவரைத் தடுத்த உதவி ஆய்வாளா் தினேஷ் பாபுவையும் தாக்கினராம். எனினும், அவா்கள் வேல்முருகனை கைது செய்தனா். முருகன் என்பவரும் கைது செய்யப்பட்டுள்ளாா்; மற்ற 2 பேரையும் தனிப்படை தேடி வருகிறது என போலீஸ் தரப்பில் தெரிவித்தனா்.

ADVERTISEMENT

ADVERTISEMENT
ADVERTISEMENT