தென்காசி

ரேஷன் கடை கட்டடத்தை சீரமைக்க கோரிக்கை

5th Dec 2022 01:18 AM

ADVERTISEMENT

பாவூா்சத்திரத்தில் மேற்கூரை பழுதடைந்துள்ள ரேஷன் கடையை சீரமைக்க வேண்டுமென பொதுமக்கள் கோரிக்கை விடுத்துள்ளனா்.

பாவூா்சத்திரம் காமராஜ் நகா், வென்னிமலை முருகன் கோயிலுக்கு செல்லும் சாலையில் அமைந்துள்ள ரேஷன் கடையில் 200க்கும் மேற்பட்ட குடும்ப அட்டைதாரா்களுக்கு பொருள்கள் விநியோகம் செய்யப்பட்டு வருகிறது. இந்தக் கடை கட்டடத்தின் மேற்கூரை காங்கிரீட் இடிந்து , விரிசல்களுடன் சேதமடைந்த நிலையில் காணப்படுகிறது. தற்போது மழை காலம் என்பதால் மழைநீா் உள்ளே சென்று பொருள்கள் சேதம் அடைய வாய்ப்பு உள்ளது. மேலும் ஊழியா்கள் அச்சத்துடன் பணிபுரிந்து வருகின்றனா்.

எனவே சேதமடைந்த ரேஷன் கடை கட்டடத்தை சீரமைத்து தர வேண்டும் அப்பகுதி மக்கள் கோரிக்கை விடுத்துள்ளனா்.

ADVERTISEMENT
ADVERTISEMENT