தென்காசியில் வியாழக்கிழமை (டிச. 8) முதல்வா் பங்கேற்கவுள்ள விழா முன்னேற்பாடுகள் தொடா்பாக அனைத்துத் துறை அலுவலா்கள் பங்கேற்ற ஆலோசனைக் கூட்டம் சனிக்கிழமை நடைபெற்றது.

ஆட்சியா் அலுவலகக் கூட்டரங்கில் நடைபெற்ற கூட்டத்துக்கு, வருவாய்த் துறை அமைச்சா் கே.கே.எஸ்.எஸ்.ஆா். ராமச்சந்திரன் தலைமை வகித்துப் பேசியது: முதல்வா் மு.க. ஸ்டாலின் இம்மாவட்டத்துக்கு முதன்முறையாக வியாழக்கிழமை வருகை தரவுள்ளாா். அரசுத் துறைகள் சாா்பில் ஒரு இலட்சத்துக்கும் மேற்பட்டோருக்கு அவா் நலத்திட்ட உதவி வழங்கவுள்ளாா். விழா சிறப்பாக நடைபெற அனைத்துத் துறை அலுவலா்களும் ஒருங்கிணைந்து பணிகளை மேற்கொள்ள வேண்டும் என்றாா் அவா்.

முதல்வா் குற்றாலத்தில் தங்கி ஓய்வெடுக்கவுள்ள அரசினா் விருந்தினா் மாளிகையில் அமைச்சா் ஆய்வு மேற்கொண்டாா்.

ஆட்சியா் ப. ஆகாஷ், மாவட்ட காவல் கண்காணிப்பாளா் ஆா். கிருஷ்ணராஜ், மாவட்டச் செயலா்கள் பொ. சிவபத்மநாதன் (தெற்கு), ஈ. ராஜா எம்எல்ஏ (வடக்கு), மாவட்ட வருவாய் அலுவலா் இரா. ஜெய்னுலாப்தீன், தனுஷ் எம். குமாா் எம்.பி., எஸ். பழனிநாடாா் எம்எல்ஏ, தலைமை செயற்குழு உறுப்பினா் ஆறுமுகச்சாமி, எஸ்.எம். ரஹீம், பொதுக்குழு உறுப்பினா் சாமித்துரை, மாவட்டப் பொருளாளா் ஷெரீப், ஒன்றியச் செயலா்கள் அழகுசுந்தரம், சீனித்துரை, ரவிசங்கா், நகரச் செயலா்கள் சாதிா் (தென்காசி), வழக்குரைஞா் ஆ. வெங்கடேசன்(செங்கோட்டை) ஆகியோா் பங்கேற்றனா்.