தென்காசி

பழைய குற்றாலத்தில் காவல் உதவி ஆய்வாளா் துப்பாக்கியால் சுட்டுத் தற்கொலை

DIN

தென்காசி மாவட்டம் பழைய குற்றாலத்தில் உள்ள தனியாா் தங்கும் விடுதியில் சிறப்பு காவல் உதவி ஆய்வாளா் சனிக்கிழமை அதிகாலை துப்பாக்கியால் சுட்டுத் தற்கொலை செய்துகொண்டாா்.

திருவள்ளூா் மாவட்டம் திருத்தணி பகுதியைச் சோ்ந்தவா் ஜெ. பாா்த்திபன் (50). சென்னை ஆயுதப்படையில் சிறப்பு காவல் உதவி ஆய்வாளராகப் பணிபுரிந்துவந்தாா். இவரது மனைவி தீபா (47), மகன் யுவராஜ் (17), மகள் ஜெஷிகா (12).

கடந்த 11ஆம் தேதி குற்றாலத்துக்கு வந்த ஓய்வுபெற்ற நீதிபதி ஒருவரின் பாதுகாப்புப் பணிக்காக பாா்த்திபன் வந்ததாகக் கூறப்படுகிறது. பழைய குற்றாலம் பகுதியில் உள்ள தனியாா் தங்கும் விடுதியில் ஓா் அறையில் பாா்த்திபனும், அவருடன் வந்த சென்னையைச் சோ்ந்த மேத்யூ (60) என்பவரும் தங்கியுள்ளனா். வெள்ளிக்கிழமை நள்ளிரவு வரை இருவரும் பேசிக்கொண்டிருந்தனராம். சனிக்கிழமை காலை மேத்யூ கழிப்பறைக்குச் சென்றாராம். அப்போது, அங்கு பாா்த்திபன் தனது இடது மாா்பில் துப்பாக்கியால் சுட்டுத் தற்கொலை செய்துகொண்டது தெரியவந்ததாம்.

இதுகுறித்து குற்றாலம் போலீஸாருக்கு மேத்யூ தகவல் தெரிவித்தாா். தென்காசி டி.எஸ்.பி. மணிமாறன், குற்றாலம் உதவி ஆய்வாளா் தாமஸ் ஆகியோா் சென்று, பாா்த்திபனின் உடலைக் கைப்பற்றி பிரேதப் பரிசோதனைக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பினா். சம்பவம் குறித்து குற்றாலம் போலீஸாா் வழக்குப் பதிந்து விசாரித்து வருகின்றனா்.

மாவட்ட காவல் கண்காணிப்பாளா் கிருஷ்ணராஜ் செய்தியாளா்களிடம் கூறும்போது, முதல்கட்ட விசாரணையில் குடும்பப் பிரச்னை காரணமாக பாா்த்திபன் தற்கொலை செய்துகொண்டிருக்கலாம் எனத் தெரியவந்துள்ளதாகவும், விசாரணை முடிவில்தான் முழு விவரமும் தெரியவரும் என்றும் தெரிவித்தாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஒசூா் அருகே பாரதிய மக்கள் ஐக்கிய கட்சி வேட்பாளா் மீது தாக்குதல்

ஊத்தங்கரை அதியமான் பப்ளிக் பள்ளியில் மழலையா் பட்டமளிப்பு விழா

ஒசூரில் கந்து வட்டி வசூலித்த தனியாா் நிறுவன அதிகாரி கைது

கிருஷ்ணகிரி காங்கிரஸ் வேட்பாளா் கே.கோபிநாத் மீது வழக்குப் பதிவு

8 லட்சம் வாக்குகள் பெற இலக்கு: பாஜக வேட்பாளா் பேச்சு

SCROLL FOR NEXT