குற்றாலம் சாரல்விழாவின் 6 ஆம் நாளான புதன்கிழமை கோலம், யோகா போட்டிகள் நடைபெற்றன.

கலைவாணா் அரங்கில் நடைபெற்ற கோலப் போட்டிகளை ஈ.ராஜா எம்எல்ஏ தொடங்கி வைத்தாா். தென்காசி மாவட்டத்தின் 10 வட்டாரங்களை சோ்ந்த 46 போ் கலந்துகொண்டனா். இதில், சாம்பவா்வடகரை ஸ்ரீராம்நகந் வடிவுக்கரசி முதலிடமும், குற்றாலம் காசிமேஜா்புரம் ஜோதிசித்ரா இரண்டாமிடமும், இடைகால் வடக்கு பிள்ளையாா் கோயில் தெரு மொ்சிகாா்மென், சுரண்டை இந்திரா ஆகியோா் மூன்றாமிடமும் பெற்றனா்.

வேளாண் இணைஇயக்குநா் தமிழ்மலா், ஸ்ரீபராசக்தி மகளிா் கல்லூரி தமிழ்த்துறை பேராசிரியா்கள் மகேஷ்வரி, சுதானா ஆகியோா் நடுவா்களாக செயல்பட்டனா்.

யோகா போட்டி: இந்திய மருத்துவம் மற்றும் ஹோமியோபதி துறை சாா்பில் பள்ளி குழந்தைகளுக்கு நடைபெற்ற யோகா போட்டியில் செங்கோட்டை எஸ்ஆா்எம் பள்ளி மாணவிகள் இந்து முதலிடமும், தீபிகா இரண்டாமிடமும், விஜயலட்சுமி மூன்றாமிடமும் பெற்றனா்.

பாளையங்கோட்டை அரசு சித்த மருத்துவக் கல்லூரி மாணவா்கள் கலந்துகொண்ட சூரிய நமஸ்காரம், ஆரோக்கிய வாழ்விற்கு சித்த யோகாசனம், யோகாசன நடனம், சித்தா விழிப்புணா்வு நாடகம் ஆகியவை நடைபெற்றன.

நிகழ்ச்சியில் தென்காசி மாவட்ட சித்த மருத்துவ அலுவலா் உஷா, பாளை. அரசு சித்த மருத்துவக் கல்லூரி முதல்வா் சாந்த மரியா, துணை முதல்வா் சௌந்தரராஜன், மருத்துவா்கள் ராஜேஷ், சுதா, ஸ்ரீராம், கலா, ஹரிஹரன், செல்வகணேசன் உள்பட பலா் கலந்து கொண்டனா். போட்டிகளில் வெற்றிபெற்றவா்களுக்கு பரிசுகள் வழங்கப்பட்டன.