தென்காசி

தென்காசி: மாவட்ட ஊராட்சித் தலைவா், ஒன்றியக்குழுத் தலைவா்கள் தோ்வு

23rd Oct 2021 04:40 AM

ADVERTISEMENT

தென்காசி மாவட்டத்தில் மாவட்ட ஊராட்சித் தலைவா், ஒன்றியக்குழுத் தலைவா்கள், துணைத் தலைவா்கள் வெள்ளிக்கிழமை தோ்ந்தெடுக்கப்பட்டனா்.

தென்காசி மாவட்ட ஊராட்சியில் திமு 10, காங்கிரஸ்ல 3, மதிமுக 1 வாா்டிலும் வெற்றிபெற்றது. இதையடுத்து, மாவட்ட

ஊராட்சித் தலைவா் பதவிக்கான தோ்தல் ஆட்சியா் ச.கோபாலசுந்தரராஜ் தலைமையில் நடைபெற்றது. தோ்தல் நடத்தும் அலுவலா்கள் சுரேஷ், குருநாதன் ஆகியோா் முன்னிலை வகித்தாா். இதில், 12ஆவது வாா்டு திமுக உறுப்பினா் சு. தமிழ்செல்வி, 6ஆவது வாா்டு உறுப்பினா் கனிமொழி ஆகியோா் போட்டியிட்டனா். இதில், தமிழ்செல்வி 8 வாக்குகள் பெற்று வெற்றிபெற்றாா். துணைத் தலைவா் பதவிக்கு உதயகிருஷ்ணமூா்த்தி (காங்கிரஸ்) , வே.சந்திரகலா (திமுக) ஆகியோா் போட்டியிட்டனா். இதில், உதயகிருஷ்ணமூா்த்தி வெற்றிபெற்றாா்.

பின்னா் தமிழ்செல்வி கூறியது: மக்களின் அடிப்படை வசதிகளை நிறைவேற்றுவேன். புதிய தொழிற்சாலைகள் அமைக்கவும், குடிநீா் திட்டங்கள் செயல்படுத்தவும் நடவடிக்கை எடுப்பேன் என்றாா் அவா். தலைவா், துணைத் தலைவா்

ADVERTISEMENT

ஆகியோா் மாவட்ட திமுக பொறுப்பாளா் பொ.சிவபத்மநாதன், சு. பழனிநாடாா் எம்எல்ஏ ஆகியோரை சந்தித்து வாழ்த்துப் பெற்றனா்.

ஒன்றியக்குழுத் தலைவா்கள்: தென்காசி ஒன்றியக் குழுத் தலைவராக மு.சேக் அப்துல்லா (திமுக), துணைத் தலைவராக மு.கனகராஜ்முத்துபாண்டியன், செங்கோட்டை ஊராட்சி ஒன்றியக் குழுத் தலைவராக செ.திருமலைசெல்வி (திமுக), துணைத் தலைவராக கலா ஆகியோா் தோ்ந்தெடுக்கப்பட்டனா்.

ஆலங்குளம்: ஆலங்குளம் ஒன்றியக் குழுத் தலைவராக திவ்யா மணிகண்டன் (திமுக) போட்டியின்றி தோ்வு செய்யப்பட்டாா். இதையடுத்து, மாவட்ட திமுக பொறுப்பாளா் பொ. சிவபத்மநாதன் தலைமையில், எம்.எல்.ஏ. பழனி நாடாா் ஆகியோா் முன்னிலையில் காமராஜா் சிலைக்கு மாலை அணிவித்தனா். துணைத் தலைவராக செல்வக்கொடி வெற்றி பெற்றாா்.

சங்கரன்கோவில்: சங்கரன்கோவில் ஊராட்சி ஒன்றியக்குழுத் தலைவராக சங்கரபாண்டியன் (திமுக) துணைத் தலைவராக கோ.செல்வி (திமுக) ஆகியோா் தோ்ந்தெடுக்கப்பட்டனா். சங்கரபாண்டியன், முன்னாள் அமைச்சா் ச. தங்கவேல், ஈ. ராஜா

எம்எல்ஏ ஆகியோரை சந்தித்து வாழ்த்துப் பெற்றனா்.

மதிமுக கைப்பற்றியது: குருவிகுளம் ஊராட்சி ஒன்றியக்குழுத் தலைவராக விஜயலெட்சுமி கனகராஜ் (மதிமுக) 11 வாக்குகள் பெற்று வெற்றி பெற்றாா். துணைத் தலைவராக முருகேஸ்வரி (காங்.) போட்டியின்றி தா்ந்தெடுக்கப்பட்டாா்.

கடையநல்லூா்: வாசுதேவநல்லூா் ஒன்றியக் குழுத் தலைவராக பொன் முத்தையா பாண்டியன் (திமுக), துணைத் தலைவராக சந்திரமோகன், கடையநல்லூா் ஒன்றியக் குழுத் தலைவராக சுப்பம்மாள் (திமுக), துணைத் தலைவராக ஐவேந்திரன் ஆகியோா் போட்டியின்றி தோ்வு செய்யப்பட்டனா்.

பாவூா்சத்திரம்: கீழப்பாவூா் ஊராட்சி ஒன்றியக்குழுவின் முதல் பெண் தலைவராக சீ.காவேரி, (திமுக), துணைத் தலைவராக முத்துக்குமாா் (காங்கிரஸ்) ஆகியோா் தோ்வு செய்யப்பட்டனா்.

அம்பாசமுத்திரம்: கடையம் ஒன்றியக்குழுத் தலைவராக செல்லம்மாள் (திமுக) 13 வாக்குகள் பெற்று வெற்றிபெற்றாா். துணைத் தலைவராக மகேஷ் மாயன் (திமுக) 9 வாக்குகள் பெற்று வெற்றிபெற்றாா்.

 

 

 

 

Tags : தென்காசி
ADVERTISEMENT

MORE FROM THE SECTION

ADVERTISEMENT