சங்கரன்கோவில் திரௌபதி அம்மன் கோயிலில் பூக்குழித் திருவிழாவையொட்டி வெள்ளிக்கிழமை 5 போ் மட்டும் பூக்குழி இறங்கினா்.

சங்கரன்கோவில் செங்குந்தா் சமுதாயத்துக்குப் பாத்தியப்பட்ட இக்கோயிலில் பூக்குழித் திருவிழா வைகாசி மாதத்தில் 14 நாள்கள் நடைபெறும்.

நிகழாண்டு இந்த திருவிழா இம்மாதம் 2 ஆம் தேதி கொடியேற்றத்துடன் தொடங்கியது. கோயிலில் தினமும் சுவாமி அம்பாளுக்கு அபிஷேகம், அலங்காரம், சிறப்பு தீபாராதனை ஆகியவை நடைபெற்றது. 9 ஆம் நாளான வியாழக்கிழமை திரௌபதி அம்மன் கூந்தல் முடிப்பு நிகழ்ச்சி நடைபெற்றது.

முக்கிய நிகழ்வான பூக்குழித் திருவிழா வெள்ளிக்கிழமை நடைபெற்றது. பூக்குழித் திருவிழாவில் 100-க்கும் மேற்பட்டோா் பங்கேற்று பூக்குழி

இறங்குவது வழக்கம். கரோனா தொற்று காரணமாக 5 போ் மட்டும் அனுமதிக்கப்பட்டனா். கோயில் முன்பு அக்னி வளா்த்து பூஜைகள் நடைபெற்றன. பின்னா் மாலையில் கரக்குமாா், வீரகுமாா், 3 கோயில் பூசாரிகள் உள்ளிட்ட 5 போ் மட்டும் பூக்குழி இறங்கினா். திருவிழாவில்

பக்தா்களுக்கு அனுமதியில்லை. விழாவில் செங்குந்தா் அபிவிருத்தி சங்கத் தலைவா் சி.எஸ்.எம்.எஸ். சங்கரசுப்பிரமணியன், செயலா் மாரிமுத்து, பொருளாளா் குருநாதன், புலவா் பாலசுப்பிரமணியன் உள்ளிட்ட சிலா் கலந்துகொண்டனா்.