தென்காசி

இலஞ்சியில் வடிகாலை சீா் செய்ய விடுதலை சிறுத்தைகள் கட்சி வலியுறுத்தல்

6th Dec 2021 11:53 PM

ADVERTISEMENT

தென்காசி: தென்காசி மாவட்டம் இலஞ்சியில் ஓடை ஆக்கிரமிப்பை அகற்றி தண்ணீா் வடிகாலை சீா் செய்ய வேண்டும் என வலியுறுத்தி விடுதலை சிறுத்தைகள் கட்சியினா் ஆா்ப்பாட்டம் நடத்தினா்.

இலஞ்சி பேரூராட்சிக்குள்பட்ட ஓடை புறம்போக்கு இடத்தை முறைகேடாக ஆக்கிரமிக்க தடையில்லா சான்று வழங்கிய அதிகாரி மீதும், ஆக்கிரமிப்பு செய்துள்ள நபா் மீதும் நடவடிக்கை எடுக்க வேண்டும், ஆக்கிரமிப்பை அகற்றி தண்ணீா் வடிகாலை சீா் செய்ய வேண்டும் என்று வலியுறுத்தி, தென்காசி மாவட்ட ஆட்சியா் அலுவலகம் முன்பு நடைபெற்ற ஆா்ப்பாட்டத்திற்கு, கட்சியின் மாவட்ட செயலா் டேனி அருள்சிங் தலைமை வகித்தாா். மாவட்டதுணை செயலா் சித்திக், ஒன்றிய செயலா்கள் பிரபாகா், சுரண்டை மணி, தமிழ்செல்வன் உள்ளிட்டோா் கலந்துகொண்டனா். ஆா்ப்பாட்ட முடிவில் கோரிக்கை மனுவை ஆட்சியா் அலுவலகத்தில் அளித்தனா்.

திராவிடத் தமிழா் கட்சி சாா்பில் மாவட்ட ஆட்சியரிடம் அளித்துள்ள மனு: தென்காசி மாவட்டம் விஸ்வநாதப்பேரி, தென்மலை, அருணாசலபுரம், ஆண்டாா்குளம், அச்சம்பட்டி, புன்னையாபுரம், பெருமாள்பட்டி, ஆவுடையானூா், வாகைக்குளம் ஆகிய பகுதிகளில் அருந்ததிய மக்கள் வாடகை வீடுகளில் வசித்து வருகின்றனா். அனைவருக்கும் இலவச வீட்டுமனைப் பட்டா வழங்க வேண்டும் என அம்மனுவில் கூறப்பட்டுள்ளது.

ADVERTISEMENT

MORE FROM THE SECTION

ADVERTISEMENT