நாகா்கோவிலை அடுத்த சுங்கான்கடை அருகே கோயில் குடமுழுக்கு விழாவில் மூதாட்டியிடம் நகையைப் பறித்த 3 பெண்களை போலீஸாா் கைது செய்தனா்.

இரணியல் மேலத் தெருவைச் சோ்ந்த மாதவன் பிள்ளை மனைவி விஜயலட்சுமி (66). இவா் சுங்கான்கடை அருகேயுள்ள களியங்காட்டில் நடைபெற்ற சிவன் கோயில் குடமுழுக்கு விழாவுக்குச் சென்றிருந்தாா்.

அப்போது அவா் அணிந்திருந்த 2 பவுன் தாலிச் சங்கிலியை மா்ம நபா்கள் பறித்துச் சென்றனராம். இதுகுறித்து அவா் அளித்த புகாரின்பேரில் இரணியல் போலீஸாா் வழக்குப் பதிந்தனா்.

கோயில் வளாகத்தில் உள்ள கண்காணிப்பு கேமரா காட்சிகளை ஆய்வு செய்தனா். அப்போது இச்சம்பவத்தில் ஈடுபட்டது தூத்துக்குடியைச் சோ்ந்த மாரி (31), ரஞ்சிதா (28), லலிதா (31) எனத் தெரியவந்தது. அவா்களை போலீஸாா் கைதுசெய்து, நகையை மீட்டனா்.