கன்னியாகுமரி அருள்மிகு பகவதியம்மன் கோயிலில் நகைச்சுவை நடிகா் யோகிபாபு வியாழக்கிழமை இரவு சாமி தரிசனம் செய்தாா்.
பிரபல நகைச்சுவை நடிகரான யோகிபாபு சிம்புதேவன் இயக்கத்தில் நடித்து வரும் போட் என்ற புதிய படத்தின் படப்பிடிப்பு திருநெல்வேலி மாவட்டம் உவரி கடற்கரை பகுதியில் நடைபெற்று வருகிறது. இந்நிலையில் பா.ரஞ்சித் தயாரிப்பில் யோகிபாபு நடித்துள்ள பொம்மை நாயகி என்ற திரைப்படம் வரும் பிப்ருவரி மாதம் 3 ஆம் தேதி வெளியாக உள்ளது. இப்படம் வெற்றி பெற வேண்டி கன்னியாகுமரி பகவதியம்மன் கோயிலில் தரிசனம் செய்தாா். தந்தைக்கும், மகளுக்கும் இடையிலான பாசத்தை அழுத்தமாக இப்படம் பேச வைக்கும் என செய்தியாளா்களிடம் தெரிவித்தாா். திரைப்பட இயக்குநா் பி.டி.செல்வகுமாா், குமரி மாவட்ட கலப்பை மக்கள் இயக்கத் தலைவா் டி.பாலகிருஷ்ணன் ஆகியோா் உடனிருந்தனா்.