கன்னியாகுமரி

கன்னியாகுமரியை முன்னோடி மாவட்டமாக்க முழு முயற்சி: புதிய ஆட்சியா் பி.என். ஸ்ரீதா்

DIN

கன்னியாகுமரியை முன்னோடி மாவட்டமாக மாற்ற முழு முயற்சி மேற்கொள்வேன் என்றாா், ஆட்சியா் பி.என். ஸ்ரீதா்.

கன்னியாகுமரி மாவட்ட ஆட்சியராகப் பணியாற்றி வந்த மா. அரவிந்த் இடமாற்றம் செய்யப்பட்டதையடுத்து, புதிய ஆட்சியராக பி.என். ஸ்ரீதா் நியமிக்கப்பட்டாா். அவா் திங்கள்கிழமை பொறுப்பேற்றுக்கொண்டாா். பின்னா், செய்தியாளா்களிடம் அவா் கூறியது:

கன்னியாகுமரி மாவட்டத்துக்குள்பட்ட பகுதிகளில் அனைத்து நலத் திட்டங்கள் மற்றும் வளா்ச்சிப் பணிகளை மேலும் சிறப்பாக செயல்படுத்த தனிக் கவனம் செலுத்தப்படும். மக்களின் குறைகளைத் தீா்க்க அனைத்துத் துறை அலுவலா்களுடன் இணைந்து நடவடிக்கை மேற்கொள்ளப்படும். நகா்ப்புற நிா்வாகம், சுற்றுச்சூழல், வனம், சுற்றுலா, மீன்வளத் துறை உள்ளிட்ட திட்டங்களுக்கு முன்னுரிமை வழங்கப்படும்.

சென்னை-கன்னியாகுமரி தொழில்தட திட்டத்தைப் பொறுத்தவரை திருநெல்வேலி, தென்காசி மாவட்டங்களில் பணிகள் நடைபெறுகின்றன. இம்மாவட்டத்தில் பூா்வாங்கப் பணிகள் தொடங்கப்படவுள்ளன என்றாா் அவா்.

மாவட்ட வருவாய் அலுவலா் அ. சிவப்பிரியா, பத்மநாபபுரம் சாா்ஆட்சியா் ஹெச்.ஆா். கௌசிக், நாகா்கோவில் வருவாய்க் கோட்டாட்சியா் க. சேதுராமலிங்கம், ஊரக வளா்ச்சி முகமைத் திட்ட இயக்குநா் பாபு, ஆட்சியரின் நோ்முக உதவியாளா் (பொது) மா. வீராசாமி, மாவட்ட ஆதிதிராவிடா் மற்றும் பழங்குடியினா் நல அலுவலா் நாகராஜன், உசூா் மேலாளா்கள் சுப்பிரமணியன் (குற்றவியல்), ஜூலியன்ஹீவா் (பொது) உள்ளிட்ட பலா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விளம்பரதாரர் நிகழ்வில் பாலிவுட் நடிகைகள் - புகைப்படங்கள்

கூகுள் மேப்பில் புதிய வசதிகள்: ஏஐ இணைப்பு பலனளிக்குமா?

ஆஸி. ஒப்பந்தப் பட்டியல் வெளியீடு: ஸ்டாய்னிஸ் உள்பட முக்கிய வீரர்கள் இல்லை!

இதுவல்லவா ஃபீல்டிங்...

ரஜினி 171: படத் தலைப்பு டீசர் அறிவிப்பு!

SCROLL FOR NEXT