கருங்கல் அருகே ஆபத்தான நிலையில் காணப்படும் பாலூா் பட்டணங்கால்வாய் பகுதியில் தடுப்புச் சுவா் அமைக்க வேண்டும் என அப்பகுதி பொதுமக்கள் கோரிக்கை விடுத்துள்ளனா்.

பாலூா் சந்திப்பிலிருந்து பரப்பு வழியாக பூட்டேற்றிக்கு மண்சாலை பாலூா் ஊராட்சி சாா்பில் அமைக்கப்பட்டது. இதன் ஒருபக்கம் சுமாா் 50 அடி பள்ளத்தில் பட்டணங்கால்வாய் கீழ்குளம் கிளை கால்வாய்க்கு செல்கிறது. இப்பகுதியில் தடுப்புச் சுவா் இல்லாததால் பள்ளி, கல்லூரி மாணவா்கள், முதியவா்கள், வாகன ஒட்டிகள் அச்சத்துடன் செல்கின்றனா்.

இரவு நேரங்களில் அப்பகுதியில் செல்லும் பாதசாரிகள் அச்சத்துடன் செல்கின்றனா். எனவே, பொதுமக்கள் நலன் கருதி இப்பகுதியில் தடுப்புச் சுவா் அமைக்க மாவட்ட நிா்வாகம் நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனா்.