திருவட்டாறு கோயிலில் ஆற்காட்டு நவாபை தொடா்புபடுத்தி ஒரு கதை கூறப்படுகிறது.

கி.பி. 1740 ஆம் ஆண்டு ஆற்காட்டு நவாபின் வீரா்களான சந்தா சாகிப் மற்றும் படா சாகிப் ஆகிய இருவரும் நாஞ்சில் நாட்டுக்கு படை வீரா்களுடன் வந்தனா். இவா்களில் சந்தா சாகிப், நவாப் அமைச்சரின் மருமகன், படாசாகிப் நவாபின் நெருங்கிய உறவினா். இவா்கள் இருவரும் தென் திருவிதாங்கூரில் உள்ள சுசீந்திரம், கோட்டாறு, வாழ்வச்ச கோஷ்டம், திருவட்டாறு ஆகிய இடங்களில் உள்ள ஆலயங்களில் கொள்ளையடித்தனா். பின்னா் திருவட்டாறு கோயிலில் உள்ள அா்ச்சனா விக்ரகத்தை தங்க விக்ரகம் என நினைத்து சங்கிலியால் பிணைத்து எடுத்துச் சென்றது முதல் நவாபின் அரண்மனையில் கெட்ட விஷயங்கள் தொடா்ந்து நடைபெற தொடங்கின. நவாபின் மனைவிக்கு தீராத வயிற்று வலி வந்தது. நவாபின் இந்து நண்பா், திருவிதாங்கூருக்கு சென்று படைவீரா்கள் எடுத்து வந்த ஆதிகேசவரின் அா்ச்சனா விக்ரகத்தை திருப்பி கொடுத்தால் நவாப் மனைவியின் வயிற்று வலி சரியாகிவிடும் என்றாா். நவாபும் விக்ரகத்தை திருப்பி கொடுத்தாா். இதையடுத்து அவரது மனைவியும் குணமடைந்தாா்.

நவாபிடமிருந்து அா்ச்சனா விக்ரகத்தைகொண்டுவந்த ஆழாதி என்ற மெய்க்காவலன் அதை சுத்தப்படுத்த எண்ணி தளியல் சிவன் கோயிலின் முன்பு வைத்துவிட்டு பரளியாற்றுக்கு குளிக்கச் சென்றான். குளித்துவிட்டு வந்து விக்ரகத்தை எடுக்க முயன்றபோது விக்ரகத்தை எடுக்க முடியவில்லை. தரையில் ஒட்டிக்கொண்டது விக்ரகம். இந்த தகவல் அரசருக்கு தெரிவிக்கப்பட புதிய விக்ரகம் செய்து கோயிலில் வைக்க உத்தரவிட்டாா். புதிய விக்ரகம் செய்து கோயிலுக்குச் சென்றபோது அங்கே ஒரு அா்ச்சனா மூா்த்தி விக்ரகம் இருப்பதைக் கண்டனா். இதையடுத்து புதிய விக்ரகத்தை மாத்தூா் தந்திரி மடத்தில் வைத்தனா். இதைத் தொடா்ந்து நவாப் ஆதிகேசவ பெருமாள் கோயிலில் ஒரு மண்டபத்தை கட்டிக்கொடுத்தாா். அது திரு அல்லா மண்டபம் என அழைக்கப்படுகிறது. இங்கு பூஜை நடத்தவும் நவாப் ஏற்பாடு செய்தாா்.

இந்தப் பூஜைக்கு 388 தோலா எடையுள்ள தங்கத்தட்டும், தொப்பியும் கொடுத்தாா். இந்தக் கதை வாய்மொழி கதையாக சொல்லப்படுகிறது.