கன்னியாகுமரி

கழிவு நீா் வெளியேற்றும் பிரச்னை:அதிகாரிகள் நடவடிக்கைக்கு பொதுமக்கள் எதிா்ப்பு

1st Jan 2022 02:44 AM

ADVERTISEMENT

வீடுகளில் இருந்து கழிவு நீா் வெளியேற்றும் பிரச்னை தொடா்பாக அதிகாரிகளின் நடவடிக்கைக்கு பொதுமக்கள் எதிா்ப்பு தெரிவித்ததால் பரபரப்பு நிலவியது.

வீடுகளில் இருந்து வெளியேறும் கழிவுநீரை மழைநீா் ஓடைகளில் வெளியேற்ற குமரி மாவட்ட நிா்வாகம் தடை விதித்துள்ளது. தாழக்குடி பேரூராட்சியில் வீட்டு கழிவு நீா் வெளியேறாமல் இருக்க நடவடிக்கை எடுக்கும்படி அனைவருக்கும் நோட்டீஸ் அனுப்பப்பட்டதாம். மேலும் பேரூராட்சி அதிகாரிகள் ஏற்கெனவே சில வீடுகளுக்கு சென்று கழிவுநீா் வெளியே செல்லாதவாறு நடவடிக்கை எடுத்தனராம்.

இந்நிலையில், தாழக்குடி பேரூராட்சிக்குள்பட்ட 12 ஆவது வாா்டுப கீழத்தெருவில் செயல் அலுவலா் ஷேக் அப்துல்லா மற்றும் பணியாளா்கள், ஊழியா்கள் வெள்ளிக்கிழமை நேரில் சென்று வீடுகளிலிருந்து வெளியேறும் கழிவு நீா் செல்லும் குழாயை அடைக்க முயன்றனராம்.

இதற்கு அந்த பகுதியை சோ்ந்த பொதுமக்கள் திரண்டு எதிா்ப்பு தெரிவித்தனா். இதுகுறித்து தகவலறிந்த தளவாய்சுந்தரம் எம்.எல்.ஏ. சம்பவ இடத்துக்கு வந்து பொதுமக்களுக்கு ஆதரவாக பேரூராட்சி அதிகாரிகளிடம் பேச்சுவாா்த்தையில் ஈடுபட்டாா். இதையடுத்து அதிகாரிகள் தற்காலிகமாக நடவடிக்கை எடுக்கும் பணியை நிறுத்தினா்.

ADVERTISEMENT

தொடா்ந்து தளவாய்சுந்தரம் எம்.எல்.ஏ. கூறும்போது, தமிழக அரசு உறுஞ்சி குழி அமைத்து கழிவுநீரை விட வெளியேற்றச் சொல்கிறது. ஏழைகள் உறுஞ்சி குழி அமைக்க போதிய பணம் இல்லாமல் அவதிப்படுகிறாா்கள். எனவே, இதற்கான முழு செலவையும் அரசே ஏற்றுக்கொள்ள வேண்டும் என்றாா்.

ADVERTISEMENT
ADVERTISEMENT