கன்னியாகுமரி

குமரி முக்கடல் சங்கமத்தில் மகா சமுத்திர ஆரத்தி

12th Aug 2022 12:43 AM

ADVERTISEMENT

 

ஆடி மாதப் பௌா்ணமியை முன்னிட்டு, கன்னியாகுமரி முக்கடல் சங்கமத்தில் மகா சமுத்திர தீா்த்த ஆரத்தி நிகழ்ச்சி வியாழக்கிழமை நடைபெற்றது.

குமரி மாவட்ட இந்து திருத்தொண்டா் பேரவை சாா்பில் மாலை 4.30 முதல் இரவு 7 மணி வரை நிகழ்ச்சி நடைபெற்றது. அமைப்பின் தலைவா் ராஜகோபாலன் தலைமை வகித்தாா். பொதுச் செயலா் டாக்டா் சிவசுப்பிரமணியபிள்ளை, பொருளாளா் செந்தில், ஒருங்கிணைப்பாளா் அனுசியா செல்வி ஆகியோா் முன்னிலை வகித்தனா்.

இதையொட்டி, கடற்கரையில் உள்ள பரசுராம விநாயகா் கோயில் முன் பக்தா்கள் சங்கமித்தனா். பஞ்ச சங்கு நாதம், மாதா பிதா குரு வேண்டுதல், குலதேவதை, இஷ்ட தேவதை, கிராம தேவதை வேண்டுதல் நிகழ்ச்சிகள் நடைபெற்றன. தொடா்ந்து, சப்த கன்னிகள் பூஜை, 27 சுமங்கலிகள் அகல் தீபத்துடன் நெய்தீபம் ஏற்றுதல், கடல் மாதாவுக்கு சங்கல்ப பூஜை, அபிஷேகம் நடைபெற்றது. இதையடுத்து, மகா சமுத்திர தீா்த்த ஆரத்தி நடைபெற்றது.

ADVERTISEMENT

நிகழ்வில், கும்பகோணம் சூரியனாா் கோயில் ஆதீன புலவா் வாமதேவ தேசிக சுவாமிகள், எம்.ஆா். காந்தி எம்எல்ஏ ஆகியோா் பங்கேற்றனா்.

ADVERTISEMENT
ADVERTISEMENT