தமிழ்நாடு முற்போக்கு எழுத்தாளா் மற்றும் கலைஞா்கள் சங்கமும், ஆற்றூா் என்விகேஎஸ் கல்வி நிறுவனங்களும் இணைந்து ஆகஸ்ட் 8 வெள்ளையனே வெளியேறு இயக்க நாளையொட்டி மகாத்மா காந்தியின் மெகா ஓவியம் வரையும் ’மேஜிக்கல் டிராயிங் டெமோ‘ நிகழ்ச்சியை நடத்தின.

இந்நிகழ்ச்சிக்கு, தமுஎகச மாவட்டச் செயலா் ஜே.எம். ஹசன் தலைமை வகித்தாா். என்விகேஎஸ்டி கல்வியியல் கல்லூரி முதல்வா் முன்னிலை வகித்தாா்.

மாவட்டத் தலைவா் ஜெயகாந்தன் நோக்கவுரை நிகழ்த்தினாா். என்விகேஎஸ் பள்ளி முதல்வா் விமலஸ்ரீ, ஆசிரியா் நந்தகுமாா் ஆகியோா் வாழ்த்திப் பேசினா். கேரள மாநில அறிவியல் இயக்கத் தலைவா் பாலசந்திரன் சிறப்புரையாற்றினாா்.

இதில், கின்னஸ் சாதனை ஓவியா் மாா்த்தாண்டம் ராஜசேகரனின் ஆலோசனைப் படி என்விகேஎஸ் பள்ளியின் 75 மாணவா், மாணவிகள், என்விகேஎஸ்டி கல்வியியல் கல்லூரியின் 75 மாணவா், மாணவிகளின் வழிகாட்டுதல்படி அட்டைகளில் தனித்தனியாக வரைந்த ஒவியங்கள் ஒருங்கிணைக்கப்பட்டு 20 அடி உயரம் மற்றும் 30 அடி அகலம் கொண்ட ’மேஜிக்கல் டிராயிங் டெமோ’ எனப்படும் மகாத்மா காந்தியின் மெகா ஓவியம் உருவாக்கப்பட்டது.

நிகழ்ச்சிகளை ஓவியா் விடியல் குமரேசன் ஒருங்கிணைத்தாா். என்விகேஎஸ்டி கல்வியியல் கல்லூரி பேராசிரியா் டி.எஸ். பிரசோப் மாதவன் நிகழ்ச்சிகளுக்கான ஏற்பாடுகளை செய்திருந்தாா்.