கன்னியாகுமரி

தக்கலை அருகே பைக்கில் சென்ற பெண்ணிடம் நகை பறிக்க முயற்சி: இருவா் கைது

2nd Aug 2022 02:56 AM

ADVERTISEMENT

தக்கலை அருகே அழகியமண்டபம் சந்திப்பில் பைக்கில் சென்ற பெண்களிடம் தங்கச்சங்கிலியைப் பறிக்க முயன்ற இருவரை போலீஸாா் திங்கள்கிழமை கைதுசெய்தனா்.

தக்கலை அருகே கூட்டமாவு பகுதியைச் சோ்ந்த விஜயகுமாா் மனைவி சுபா (36). இவரது தங்கை சுஜி (30) . இவா்கள் இருவரும் அழகியமண்டபத்தில் நடைபெற்ற ஒரு விழாவில் பங்கேற்றுவிட்டு, தங்கள் குழந்தைகளை விஜயகுமாா் காரில் அனுப்பிவிட்டு, இருவரும் ஸ்கூட்டரில் காருக்கு பின்னால் வீட்டுக்கு சென்று கொண்டிருந்தனா். சுபா ஸ்கூட்டரை ஓட்டி சென்றாா். அழகியமண்டபம் சந்திப்பு அருகே செல்லும்போது பின்னால் பைக்கில் வந்த மூவரில் ஒருவா், சுஜியின் கழுத்தில்

கிடந்த 11 பவுன் தங்கச் சங்கிலியை பறிக்க முயன்றபோது, சுபா பைக்கை காலால் எட்டி உதைத்துள்ளாா். இதனால் பைக்கில் இருந்தவா்களும், ஸ்கூட்டரில் வந்த சகோதரிகளும் நிலை தடுமாறி கீழே விழுந்தனா். இதில் இருவருக்கும் காயம் ஏற்பட்டது. இதை பாா்த்த பொதுமக்கள் பைக்கில் வந்த மூவரும் தப்பி ஓட முயன்ற போது ஒருவரை பிடித்து தக்கலை போலீஸாரிடம் ஓப்படைத்தனா். மற்ற இருவரும் தப்பி ஓடிவிட்டனா். பிடிபட்டவா் திருவனந்தபுரம் சங்குமுகம் பகுதியை சோ்ந்த ராஜேஷ் (42) என்பது தெரியவந்தது. காயமடைந்த அவரை போலீஸாா் தக்கலை அரசு மருத்துவமனையில் அனுமதித்தனா்.

இவா் அளித்த தகவலின்பேரில், திருவனந்தபுரம் பவுலின்ஹவுஸ் பகுதியைச் சோ்ந்த ஜிதின் கல்ட்டஸ் (30) என்பவரையும் போலீஸாா் கைது செய்தனா். மேலும் ஒருவரை தேடி வருகின்றனா்.

ADVERTISEMENT

இதுகுறித்து தக்கலை போலீஸாா் வழக்குப் பதிந்து விசாரித்து வருகின்றனா்.

ADVERTISEMENT
ADVERTISEMENT