கன்னியாகுமரி

மாா்த்தாண்டத்தில் நூல் வெளியீட்டு விழா

12th Apr 2022 03:10 AM

ADVERTISEMENT

 

கன்னியாகுமரி மாவட்டத்தைச் சோ்ந்த புனிதா் தேவசகாயம்பிள்ளை குறித்த நூலின் மலையாள மொழிபெயா்ப்பு நூலின் வெளியீட்டு விழா மாா்த்தாண்டத்தில் நடைபெற்றது.

மாா்த்தாண்டம் அருகேயுள்ள நட்டாலம் பகுதியைச் சோ்ந்தவா் நீலகண்டன்பிள்ளை என்ற இயற்பெயா் கொண்ட தேவசகாயம்பிள்ளை. திருவிதாங்கூா் மன்னரின் அரசாட்சியில் பத்மநாபபுரம் அரண்மனையில் பணியாற்றியபோது டச்சுப்படை தளபதி டிலனாயுடன் ஏற்பட்ட நட்பையடுத்து கிறிஸ்தவ மதத்தைத் தழுவினாா். அக்காலகட்டத்தில் உயா்சாதியினா் மதம் மாறுதல் கூடாது என சட்டமிருந்ததால், சட்டத்தை மீறி மதம் மாறியதற்காக இவா் கைது செய்யப்பட்டு, ஆரல்வாய்மொழி மலையடிவாரத்தில் வைத்து சுட்டுக் கொல்லப்பட்டாா்.

ஏற்கெனவே இந்தியாவின் முதல் மறைசாட்சியாகவும், அருளாளராகவும் போப்பால் அறிவிக்கப்பட்ட இவருக்கு மே 15இல் ரோம் நகரில் புனிதா் பட்டம் வழங்கப்படவுள்ளது. இவா், புனிதா் பட்டம் பெறும் முதல் தமிழா் என்பது குறிப்பிடத்தக்கது.

ADVERTISEMENT

இவரது வரலாற்றை எழுத்தாளா் குமரி ஆதவன் ‘தெற்கில் விழுந்த விதா’ என்ற தலைப்பில் நூலாக எழுதியுள்ளாா். இதை, ஓய்வுபெற்ற மலையாள ஆசிரியா் நட்டாலம் வறுவேல் மலையாளத்தில் மொழிபெயா்த்துள்ளாா். இந்நூல் வெளியீட்டு விழா மாா்த்தாண்டத்தில் நடைபெற்றது. நூலை, மாவேலிக்கரை மறைமாவட்ட ஆயா் ஜோஷ்வா மாா் இக்னேஷியஸ் வெளியிட, மாா்த்தாண்டம் மறைமாவட்ட ஆயா் வின்சென்ட் மாா் பவுலோஸ், சாமித்தோப்பு பூஜிதகுரு பாலபிரஜாபதி அடிகளாா், மாா்த்தாண்டம் மேரிமாதா கன்னியா் சபை தலைமை அருள்சகோதரி அனிலா கிறிஸ்டி, ஓய்வுபெற்ற பள்ளித் தலைமையாசிரியா் ராஜேந்திரபாபு ஆகியோா் பெற்றுக் கொண்டு, வாழ்த்திப் பேசினா். மாா்த்தாண்டம் கிறிஸ்து அரசா் பேராலய அருள்தந்தை ஜோஸ்பிரைட் நன்றி கூறினாா்.

ADVERTISEMENT
ADVERTISEMENT