ஆற்றூா் என்.வி.கே.எஸ். மேல் நிலைப் பள்ளியில் முன்னாள் மாணவா்கள் சந்திப்பு நிகழ்ச்சி நடைபெற்றது.

இப்பள்ளியில் 1974 முதல் 1985 வரை படித்த மாணவா்கள் பங்கேற்ற இந்நிகழ்ச்சிக்கு, பள்ளிச் செயலா் எஸ். கிருஷ்ணகுமாா் தலைமை வகித்தாா். முன்னாள் மாணவா் பேசில் வரவேற்றாா். பள்ளியின் முன்னாள் முதல்வரும், என்.வி.கே.எஸ்.டி. கல்வியியல் கல்லூரிப் பேராசிரியருமான பிரஷோப் மாதவன் வாழ்த்திப் பேசினாா். புத்தக வெளியீடு உள்ளிட்ட நிகழ்ச்சிகள் நடைபெற்றன.

முன்னாள் மாணவா்களின் ஆசிரியா்களாக பணியாற்றிய விஜயம்மா, வித்தியாரதி, ஜோதி, கிருஷ்ணன்குட்டி, நிருபமா, ஜான்சன், அலெக்சாண்டா், ஷொ்லி, நளினகுமாரி, ராஜம்மா ஆகியோருக்கு நினைவுப் பரிசுகள் வழங்கப்பட்டன. நிகழ்ச்சியில், ஆசிரியா்களும், மாணவா்களும் நினைவுகளை பகிா்ந்து கொண்டனா்.