கன்னியாகுமரி

நாகா்கோவிலில் போக்குவரத்து தொழிலாளா்கள் ஆா்ப்பாட்டம்

23rd Oct 2021 04:46 AM

ADVERTISEMENT

போக்குவரத்து தொழிலாளா்களுக்கான அகவிலைப்படி நிலுவைத் தொகையை வழங்க வேண்டும் என்பது உள்ளிட்ட கோரிக்கைகளை வலியுறுத்தி, தொழிலாளா்கள் நாகா்கோவிலில், வெள்ளிக்கிழமை ஆா்ப்பாட்டத்தில் ஈடுபட்டனா்.

அரசு விரைவுப் போக்குவரத்து கழக மீனாட்சிபுரம், பணிமனை முன்பு நடைபெற்ற இந்த போராட்டத்துக்கு சிஐடியூ பணிமனை உதவித் தலைவா் தங்கப்பன் தலைமை வகித்தாா் . மாநில துணை பொதுச் செயலா் டென்னிஸ் ஆண்டனி ஆா்ப்பாட்டத்தை தொடங்கி வைத்தாா்.

போக்குவரத்து ஊழியா்களின் ஊதியம் ஒப்பந்தம் குறித்து பேச்சு வாா்த்தை மூலம் தீா்வு காண வேண்டும், குறைந்தபட்ச கூலி சட்டப்படி 25 சதவீதம் போனஸ் வழங்க வேண்டும். ஊக்க ஊதிய பிரச்னைக்கு தீா்வு காண வேண்டும். அகவிலைப்படி நிலுவைத் தொகையை உடனே வழங்க வேண்டும். ஓய்வு பெற்ற ஊழியா்களுக்கு பண பலன்களை வழங்க வேண்டும்.

71 மாத அகவிலைப்படி நிலுவைத் தொகையை வழங்கிட வேண்டும் என்பன உள்ளிட்டக் கோரிக்கைகள் இதில் வலியுறுத்தப்பட்டன.

ADVERTISEMENT

சிஐடியூ நிா்வாகிகள் ஜான் ராஜன், சொ்க்கான், பெருமாள் ஆகியோா் கோரிக்கைகளை விளக்கி பேசினா். இதில், சிஐடியூ மாவட்டச் செயலா் தங்க மோகன், ஓய்வு பெற்றோா் நல அமைப்பின் நிா்வாகிகள் பால்ராஜ், சுந்தர்ராஜ், கிருஷ்ணதாஸ், மாவட்ட துணைத் தலைவா் பொன். சோபனராஜ் உள்பட திரளானோா் கலந்து கொண்டனா்.

ராணித்தோட்டம் பணி மனை முன்பு நடைபெற்ற ஆா்ப்பாட்டத்துக்கு சிஐடியூ செயல் தலைவா் லியோ தலைமை வகித்தாா். இதில் நிா்வாகிகள் லட்சுமணன், சுந்தர்ராஜ், உள்பட பலா் கலந்து கொண்டனா்.

 

 

Tags : நாகா்கோவில்
ADVERTISEMENT

MORE FROM THE SECTION

ADVERTISEMENT