மாா்த்தாண்டம் அருகே ஆம்னி பேருந்து உரிமையாளா் மரணம்

மாா்த்தாண்டம் அருகே வீட்டில் தனியாக வசித்து வந்த ஆம்னி பேருந்து உரிமையாளா், வீட்டில் இறந்து கிடந்தது குறித்து போலீஸாா் விசாரித்து வருகின்றனா்.

நித்திரவிளை அருகேயுள்ள நடைக்காவு, சாத்தன்கோடு ராயப்பன் மகன் கிறிஸ்டல்ராஜ் (48). தனியாா் ஆம்னி பேருந்து நிறுவனம் நடத்தி வந்தாா். இவரது மனைவி சில ஆண்டுகளுக்கு முன் உடல்நலக் குறைவால் இறந்துள்ளாா். இந்த நிலையில் இவரது இளைய மகளுடன் மாா்த்தாண்டம் அருகே வெட்டுமணி பகுதியில் வசித்து வந்தாா். இளைய மகள் அண்மையில்

படிப்புக்காக சென்னை சென்றாராம். இதையடுத்து கிறிஸ்டல்ராஜ் வீட்டில் தனியாக வசித்து வந்துள்ளாா்.

இந்நிலையில், ராயப்பன் தனது மகனை புதன்கிழமை இரவு செல்லிடப்பேசியில் தொடா்பு கொண்டாராம். எதிா்முறையில் அவா் பதில் அளிக்கவில்லையாம். உடனே அவா் நேரில் சென்ற பாா்த்த போது, அங்கு கிறிஸ்டல்ராஜ் படுக்கை அறையில் மயங்கிய நிலையில் கிடந்துள்ளாா். இதையடுத்து, அங்கிருந்தவா்கள் அவரை மீட்டு குழித்துறை அரசு மருத்துவமனைக்கு கொண்டு சென்றனா். அங்கு பரிசோதனை மேற்கொண்ட மருத்துவா்கள் அவா் ஏற்கெனவே இறந்ததாக தெரிவித்தனா்.

இது குறித்து அளித்த புகாரின் பேரில் மாா்த்தாண்டம் காவல் உதவி ஆய்வாளா் ரமேஷ் வழக்குப் பதிந்தாா். காவல் ஆய்வாளா் செந்தில்வேல்குமாா் விசாரித்து வருகிறாா்.