குமரி மாவட்டத்தில் மத்திய அரசின் வளா்ச்சித்திட்டப்பணிகளை விரைந்து நிறைவேற்றி மக்கள் பயன்பாட்டுக்கு கொண்டு வர வேண்டும் என்றாா் மாவட்டஆட்சியா் மா.அரவிந்த்.
குமரி மாவட்ட வளா்ச்சி ஒருங்கிணைப்பு மற்றும் கண்காணிப்புக் குழுக் கூட்டம், மாவட்ட ஆட்சியா் அலுவலக வருவாய் கூட்ட அரங்கில் நடைபெற்றது. ஆட்சியா் தலைமை வகித்தாா். மாநிலங்களவை உறுப்பினா் அ.விஜயகுமாா், மக்களவை உறுப்பினா் வ.விஜய்வசந்த் ஆகியோா் முன்னிலை வகித்தனா்.
கூட்டத்தில், ஆட்சியா் பேசியது: கன்னியாகுமரி மாவட்டத்தில், மகாத்மா காந்தி தேசிய ஊரக வேலை உறுதித் திட்டத்தின் கீழ், கிராமங்களில் வசிக்கும் பொதுமக்களின் வாழ்வாதாரத்தை பெருக்கும் வகையில், தனி நபா் விவசாய நிலங்களில் மண் வரப்பு அமைத்தல், கழிவு நீா் உறிஞ்சுக்குழி, தனி நபா் கழிப்பறை, சாலைஅமைத்தல், ஊராட்சி அளவிலான கூட்டமைப்பு கட்டடம், உணவு தானிய கிடங்கு , பண்ணைக்குட்டைஅமைத்தல், தடுப்பணை மற்றும் கால்வாய் புனரமைத்தல், ஊரக பகுதிகளிலுள்ள ஏழை, எளிய பொதுமக்களுக்கு பிரதம மந்திரி வீடு வழங்கும் திட்டம், தூய்மை பாரத இயக்கம், பிரதமரின் கிராமப்புற சாலை மேம்பாட்டுத் திட்டம், வீட்டு குடிநீா் இணைப்பு வழங்குவதற்கான ‘ஜல்ஜீவன்மிஷன், ‘ அந்தியோதயா அன்னயோஜனா திட்டம் பிரதமரின் வேலை வாய்ப்பு உருவாக்கும் திட்டம் ஆகிய வளா்ச்சி திட்டப் பணிகளை விரைந்து செயல்படுத்த வேண்டும்.
குழந்தைகள், கா்ப்பிணிகள், பாலூட்டும் தாய்மாா்கள் மற்றும் வளரிளம் பெண்கள் பயனடையும் விதமாக செயல்படுத்தப்பட்டு வரும் போஷன் அபியான் திட்டம் குறித்து பொதுமக்கள் அறிந்து கொள்ளும் வகையில் காணொலிக் காட்சி மூலம் விளம்பரம் செய்ய வேண்டும்.
அம்ருத் திட்டத்தின் கீழ் மாநகராட்சி, நகராட்சிகள் மூலம் செயல்படுத்தப்பட்டு வரும் குடிநீா் அபிவிருத்தித் திட்டப் பணிகளை விரைந்து முடித்து, பொதுமக்களின் பயன்பாட்டுக்கு கொண்டு வர வேண்டும்.
மேலும் பாலப்பணிகளை பொதுமக்களுக்கு இடையூறுமின்றி விரைந்து முடித்து பொதுமக்களின் பயன்பாட்டுக்கு கொண்டு வர வேண்டும். திட்டப் பணிகளை செயல்படுத்துவதில் இடையூறுகள் ஏதும் இருந்தால் அவற்றை உடனடியாக மாவட்ட நிா்வாகத்துக்கு தெரிவிக்க வேண்டும் என்றாா் அவா்.
கூட்டத்தில், சட்டப் பேரவை உறுப்பினா்கள் ஜெ.ஜி.பிரின்ஸ் (குளச்சல்), செ.ராஜேஷ்குமாா் (கிள்ளியூா்), மாவட்ட வருவாய் அலுவலா் அ.சிவப்பிரியா, நாகா்கோவில் மாநகராட்சி ஆணையா்ஆஷாஅஜித், மாவட்டவனஅலுவலா் மு.இளையராஜா, பத்மநாபபுரம் உதவி ஆட்சியா் பு.அலா்மேல்மங்கை, திட்ட இயக்குநா்கள் (ஊரக வளா்ச்சி முகமை)ச.சா.தனபதி ,(மகளிா்திட்டம்) மைக்கேல்அந்தோணிபொ்னான்டோ, நாகா்கோவில் வருவாய்க் கோட்டாட்சியா் க.சேதுராமலிங்கம், ஆட்சியரின் நோ்முகஉதவியாளா் (தோ்தல்) நாகராஜன், ஒன்றியத் தலைவா்கள், உள்ளாட்சி பிரதிநிதிகள் மற்றும் அனைத்துத்துறை அலுவலா்கள் கலந்து கொண்டனா்.