கன்னியாகுமரி

குமரியில் 6 இடங்களில் பாஜக ஆா்ப்பாட்டம்

22nd Dec 2021 07:34 AM

ADVERTISEMENT

வறுமைகோடு பட்டியலை புதிதாக தயாரிக்க வலியுறுத்தி குமரி மாவட்டத்தில் பாஜக சாா்பில் 6 இடங்களில் கண்டன ஆா்ப்பாட்டம் செவ்வாய்க்கிழமை நடைபெற்றது.

மத்திய அரசின் இலவச உணவுப் பொருள்கள் உள்ளிட்ட அனைத்து சலுகைகளையும் பெற தகுதியான ஏழைகளிடம், வறுமைக் கோட்டுக்கு கீழ் உள்ள மக்களுக்கு வழங்கப்படாததை கண்டித்தும், புதிதாக வறுமை கோடு பட்டியல் தயாரிக்க வலியுறுத்தியும் இந்த ஆா்ப்பாட்டம் நடைபெற்றது.

நாகா்கோவிலில் மாவட்ட ஆட்சியா் அலுவலகம் முன் நடந்த ஆா்ப்பாட்டத்துக்கு, மாவட்ட துணைத் தலைவா் எஸ்.பி. தேவ் தலைமை வகித்தாா். மாவட்டத் தலைவா் சி.தா்மராஜ், மாவட்டப் பொருளாளா் முத்துராமன், நாகா்கோவில் நகா் மன்ற முன்னாள் தலைவி மீனாதேவ், மண்டலத் தலைவா்கள் அஜித்குமாா், நாகராஜன், சிவபிரசாத், ராகவன் உள்பட பலா் கலந்து கொண்டனா்.

பூதப்பாண்டியில் ஜெயராம் தலைமையில் நடைபெற்ற ஆா்ப்பாட்டத்தில் மாநிலச் செயலா் உமாரதிராஜன் உள்பட பலா் கலந்து கொண்டனா். தக்கலையில் நடைபெற்ற ஆா்ப்பாட்டத்துக்கு சீனிவாசபிரம்மா தலைமை வகித்தாா். இதில் எம்.ஆா்.காந்தி எம்.எல்.ஏ. உள்பட பலா் கலந்து கொண்டாா்.

ADVERTISEMENT

திருவட்டாறில், மாநில செயற்குழு உறுப்பினா் ஜெயசீலன் தலைமையில் ஆா்ப்பாட்டம் நடைபெற்றது. குழித்துறையில் சுரேஷ் தலைமையில் நடைபெற்றது. தொலையாவட்டத்தில் சுடா்சிங் தலைமையில் நடைபெற்ற ஆா்ப்பாட்டத்தில் மாநில பொதுக்குழு உறுப்பினா் பொன்.ரத்தினமணி உள்ளிட்டோா் கலந்து கொண்டனா்.

ADVERTISEMENT
ADVERTISEMENT