கன்னியாகுமரியிலிருந்து பெங்களூருக்கு இயக்கப்படும் விழாக்கால தினசரி சிறப்பு ரயில் வெள்ளிக்கிழமை (அக். 23) முதல் இயக்கப்படும் என தெற்கு ரயில்வே அறிவித்துள்ளது.
இதுதொடா்பாக தெற்கு ரயில்வே திருவனந்தபுரம் கோட்டம் வெளியிட்ட செய்திக் குறிப்பு: பெங்களூரு - கன்னியாகுமரி இடையே முழுமையாக முன்பதிவு செய்யப்பட்ட ரயிலாக விழாக்கால சிறப்பு ரயில் வெள்ளிக்கிழமை (அக். 23) முதல் இயக்கப்படுகிறது.
அதன்படி ரயில் எண் 06526 சிறப்பு ரயில் பெங்களூரிலிருந்து வெள்ளிக்கிழமை (அக். 23) முதல் நவ. 30ஆம் தேதி வரை தினசரி இரவு 8 மணிக்கு புறப்படும்.
மறுமாா்க்கத்தில் ரயில் எண் 06525 சிறப்பு ரயில் அக். 25ஆம் தேதி முதல் டிச. 2ஆம் தேதி வரை தினமும் காலை 10 மணிக்கு கன்னியாகுமரியிலிருந்து புறப்படும் என செய்திக்குறிப்பில் குறிப்பிடப்பட்டுள்ளது.