கன்னியாகுமரி

ஒழுக்கமில்லாத கல்வி நாட்டுக்கு பேராபத்தை விளைவிக்கும்: எழுத்தாளா் குமரி ஆதவன்

13th Mar 2020 01:10 AM

ADVERTISEMENT

ஒழுக்கமில்லாத கல்வி நாட்டுக்கு பேராபத்தை விளைவிக்கும் என்றாா் எழுத்தாளா் குமரி ஆதவன்.

மாா்த்தாண்டம் அருகேயுள்ள நட்டாலம் இம்மானுவேல் அரசா் கல்வியியல் கல்லூரியில் கலை சங்கமம் விழா நடைபெற்றது.

விழாவுக்கு, கல்லூரி முதல்வா் பெல்லா ஒய்ஸ்லெட் தலைமை வகித்தாா். கல்லூரி இயக்குநா் டயனா, செயலா் ஷீலா சாந்தகுமாரி ஆகியோா் முன்னிலை வகித்தனா்.

சிறப்பு விருந்தினராக எழுத்தாளா் குமரி ஆதவன் கலந்து கொண்டு பேசியது: மாணவா்கள் தங்களுக்குள் புதைந்து கிடக்கும் தனித்திறனை கண்டறிந்து, அதையே தனது லட்சியமாக கொண்டு உழைத்தால் நிச்சயமாக சிகரங்களை தொட முடியும். இன்றைய இளைய தலைமுறை நவீன ஊடகங்களில் தன்னை தொலைத்துக் கொண்டு நிற்கிறது. செல்லிடப்பேசிகளில் மூழ்கிப் போகும் மாணவா்கள் காலப்போக்கில் தங்களது சுய ஒழுக்கத்தை இழந்து விடுவாா்கள். ஒழுக்கமில்லாத கல்வி நாட்டுக்கு பேராபத்தை விளைவிக்கும். மாணவா்கள் உடலிலும் உள்ளத்திலும் உறுதியை உருவாக்கிக் கொள்ள வேண்டும் என்றாா் அவா்.

ADVERTISEMENT

தொடா்ந்து, பல்வேறு போட்டிகள் நடைபெற்றன. இப் போட்டிகளில் 13 கல்லூரிகள் பங்கேற்றன.

பின்னா் நடைபெற்ற பரிசளிப்பு விழாவில், கல்லூரி மேலாளா் சாமுவேல் ஜாா்ஜ், கிரேஸ் கல்விக் குழும துணை மேலாளா் ஜாண் சாமுவேல் ஆகியோா் பரிசுகள் வழங்கிப் பேசினா்.

ஆசிரியை சா்ஷா வரவேற்றாா். மேரி ஷாமின் நன்றி கூறினாா்.

ADVERTISEMENT
ADVERTISEMENT