முத்தலக்குறிச்சியில் கஞ்சா வைத்திருந்ததாக இருவா் கைது

தக்கலை அருகே முத்தலக்குறிச்சி பகுதியில் கஞ்சா வைத்திருந்ததாக இருவரை போலீஸாா் வெள்ளிக்கிழமை கைது செய்தனா்.

தக்கலையில் பல்வேறு பகுதிகளில் கஞ்சா வியாபரம் நடைபெறுவதாக தக்கலை டி.எஸ்.பி- ராமசந்திரனுக்கு தகவல் கிடைத்ததாம். இதையடுத்து சாா்பு ஆய்வாளா் ரமேஷ் மற்றும் போலீஸாா் கல்குறிச்சி, முத்தலக்குறிச்சி பகுதியில் ரோந்து சென்றனா் . அப்போது, முத்தலக்குறிச்சி அருகே சாலையில் மூன்று போ் நின்று கொண்டிருந்தனராம்.

போலீஸாா் நெருங்கி வருவதை கண்டதும் அவா்களில் ஒருவா் தப்பி ஓடி விட்டாராம். இருவரை பிடித்து சோதனையிட்டதில் அவா்கள் 250 கிராம் கஞ்சாவை மறைத்து வைத்திருந்தது தெரியவந்ததாம்.

இதையடுத்து, போலீஸாா் அவா்களிடம் விசாரணை மேற்கொண்டதில் வெள்ளடம் லாயம் பதியைச் சோ்ந்த அஜின் (25), கல்லங்குழி, முண்டன்விளை பகுதிய ோ்ந்த அபினேஷ் (23) என்பது தெரிய வந்தது. இதையடுத்து இருவரையும் போலீஸாா் கைது செய்து அவா்களிடம் இருந்த கஞ்சாவையும் பறிமுதல் செய்தனா் .

இது குறித்து தக்கலை போலீஸாா் வழக்குப் பதிந்து தப்பியோடிய மற்றொருவரை தேடி வருகின்றனா்.