கன்னியாகுமரி

புதுக்கடை அருகே பூட்டிய வீட்டில் சடலமாகக் கிடந்தஒ ப்பந்ததாரா்: போலீஸாா் விசாரணை

11th Dec 2019 07:09 AM

ADVERTISEMENT

குமரி மாவட்டம், புதுக்கடை அருகேயுள்ள காப்புக்காடு பகுதியில் பூட்டிய வீட்டில் அழுகிய நிலையில் கிடந்த ஒப்பந்ததாரா் சடலத்தை போலீஸாா் மீட்டனா்.

நாமக்கல் மாவட்டம், கின்னியம்பாளையம் பகுதியைச் சோ்ந்தவா் விவேகானந்தன் (40). காப்புக்காடு பகுதியில் 4 வழிச்சாலையில் ஒப்பந்ததாரராகப் பணியாற்றிவந்த இவா், அப்பகுதியில் ஒரு வாடகை வீட்டில் தன் மனைவி உமா மகேஸ்வரியுடன் வசித்துவந்தாா்.

தம்பதிக்கிடையே சில நாள்களுக்கு முன்பு ஏற்பட்ட கருத்து வேறுபாட்டால், உமாமகேஸ்வரி அப்போதே அவரிடமிருந்து பிரிந்துசென்றுவிட்டாராம். இந்நிலையில், விவேகானந்தனின் உறவினா்கள் அவரை பாா்க்க திங்கள்கிழமை வந்தபோது வீட்டின் கதவு பூட்டியிருந்தது. மேலும், அங்கு துா்நாற்றமும் வீசியுள்ளது.

இதுகுறித்து புதுக்கடை போலீஸாருக்கு தகவல் தெரிவிக்கப்பட்டது. பிறகு அவா்கள் முன்னிலையில் உறவினா்கள் கதவை உடைத்து உள்ளே சென்று பாா்த்தபோது அழுகிய நிலையில் விவேகானந்தன் சடலமாக கிடந்தாா்.

ADVERTISEMENT

இதுகுறித்த போலீஸாா் வழக்குப் பதிந்து தீவிர விசாரணை நடத்தி வருகின்றனா்.

ADVERTISEMENT
ADVERTISEMENT