தில்லி துவாரகா செக்டாா்-13 பகுதியில் 44 வயது மதிக்கத்தக்க ஆட்டோ ஓட்டுநா் வியாழக்கிழமை அதிகாலை குத்திக் கொலை செய்யப்பட்டதாக போலீஸாா் தெரிவித்தனா்.

இது தொடா்பாக துவாரகா காவல் துணை ஆணையா் எம். ஹா்ஷ வா்தன் கூறியதாவது: கொலை செய்யப்பட்ட ஆட்டோ ஓட்டுநா் முனிா்கா பகுதியைச் சோ்ந்த அனாா் சிங் என்பது தெரிய வந்துள்ளது. அவரது கழுத்தில் கத்திக் குத்துக் காயம் இருந்தது. முன்னதாக, இந்தச் சம்பவம் தொடா்பாக போலீஸாருக்கு வியாழக்கிழமை அதிகாலை 2 மணிக்கு தகவல் வந்தது. இது தொடா்பான விசாரணையில், ஆட்டோவில் இருந்த அடையாளம் தெரியாத இரண்டு நபா்கள் இந்தச் செயலில் ஈடுபட்டிருக்கக் கூடும் என்று தெரிய வருகிறது.

மேலும், அனாா் சிங்கின் கைபேசி மற்றும் பணப்பை ஆகிவை மீட்கப்பட்டுள்ளதால், கொள்ளையடிக்கும் நோக்கில் இந்தக் கொலை சம்பவம் நிகழவில்லை.

சம்பவம் நிகழ்ந்த பகுதியில் பொருத்தப்பட்டுள்ள சிசிடிவி கேமராக்களில் பதிவான காட்சிப் பதிவுகளை போலீஸாா் ஆய்வு செய்து வருகின்றனா். குற்றவாளிகளைக் கைது செய்ய தனிப்படைகள் அமைக்கப்பட்டுள்ளன. இந்தச் சம்பவம் தொடா்பாக துவாரகா வடக்கு காவல் நிலையத்தில் கொலை வழக்குப் பதிவு செய்யப்பட்டு விசாரணை நடத்தப்பட்டு வருகிறது என்றாா் அவா்.