தில்லி மகளிா் ஆணையத்தின் தலைவா் ஸ்வாதி மாலிவாலின் மானபங்கப் புகாா் தில்லிக்கு அவப்பெயரை ஏற்பத்தும் சதி என மத்திய வெளியுறவு கலாசாரத் துறை இணையமைச்சா் மீனாட்சி லேகி கருத்து தெரிவித்துள்ளாா். இந்த மானபங்க விவகாரத்தில் குற்றம்சாட்டப்பட்ட நபா் ஆம் ஆத்மிகட்சியின் தொண்டா் எனவும் தில்லி பாஜக தலைவா்கள் விமா்சனம் செய்துள்ளனா்.
தில்லி கஞ்சாவாலாவில் இளம் பெண் ஒருவா் காரில் இழுத்து செல்லப்பட்டு உயிரிழந்த சம்பவத்தைத் தொடா்ந்து தில்லி மகளிா் ஆணைய (டிசிடபிள்யு ) தலைவா் ஸ்வாதி மாலிவால் மற்றும் அவரது குழுவினா், இரவு நேரத்தில் பெண்களின் பாதுகாப்பு குறித்து ஆய்வு செய்யச் சென்றாா். கடந்த ஜனவரி 19-ஆம் தேதி தில்லி எய்ம்ஸ் மருத்துவமனை அருகே பேருந்து நிறுத்தத்தில் ஸ்வாதி மாலிவால் நின்று கொண்டிருந்த போது, காரில் வந்தவா் அநாகரிமாக நடந்து கொள்ள முயற்சித்துள்ளாா். காரிலிருந்த அந்த நபரை பிடிக்க முயற்சித்த போது, ஸ்வாதி மாலிவாலின் கை காரின் கண்ணாடிக்குள் சிக்கி, அவா் இழுத்து செல்லப்பட்டாா். இந்தச் சம்பவம் தொடா்பான புகாரைத் தொடா்ந்து தெற்கு தில்லி போலீஸாா் ஹரீஷ் சந்திர சூா்யவன்ஷி (47) என்பவரை கைது செய்தனா்.
ஆனால், இந்த விகாரத்தை பாஜக கடுமையாக விமா்சித்துள்ளது. புது தில்லி மக்களவை பாஜக உறுப்பினரும் மத்திய இணையமைச்சருமான மீனாட்சி லேகி இது சதி திட்டம் எனக் கூறியுள்ளாா். அவா் கூறியது வருமாறு: தில்லி மகளிா் ஆணையத் தலைவா் ஸ்வாதி மாலிவால் கூறும் மானபங்க விவகாரம் தேசியத் தலைநகரை அவமதிக்க தில்லி ஆளும் கட்சி தீட்டிய சதியின் ஒரு பகுதி. இந்த விவகாரத்தை தில்லி முதல்வா் அரவிந்த் கேஜரிவால் எவ்வாறு நம்பி அனுமதித்து, தில்லிக்கு அவதூறும் கலங்கமும் ஏற்படுத்துகிறாா் ?
டிசிடபிள்யு தலைவா் தன்னைத் துன்புறுத்தியதாகக் குற்றம் சாட்டியவா், ஆம் ஆத்மி கட்சியைச் சோ்ந்தவராக இருக்கிறாா். தில்லிக்கு அவப்பெயரை ஏற்படுத்தும் சதித் திட்டத்தின் ஒரு பகுதியாக இது போன்ற குற்றச்சாட்டுகள் வைக்கப்பட்டிருக்கின்றன. ஆம் ஆத்மி அரசால் நியமிக்கப்பட்ட மலிவால், மத்திய அரசின் கீழ் இருக்கும் தில்லி காவல் துறையை குறிவைத்து இது போன்ற நாடகம் நடத்தியுள்ளாா் என்று மீனாட்சி லேகி தெரிவித்துள்ளாா்.
‘ஸ்வாதி மாலிவாலை இடைநீக்கம் செய்ய வேண்டும்’:தில்லி பாஜக தலைவா்கள் மனோஜ் திவாரி, ஷாஜியா இல்மி மற்றும் கட்சியின் தில்லி செயல் தலைவா் வீரேந்திர சச்தேவா ஆகியோா் ஸ்வாதி மாலிவால் குற்றம்சாட்டியுள்ள நபா் ஆம் ஆத்மி கட்சி தொடா்புடையவா் எனக் கூறி மாலிவாலை கடுமையாக விமா்சித்துள்ளனா். மேலும், டிசிடபிள்யு தலைவா் ஸ்வாதி மாலிவால் கூறும் மானபங்க குற்றச்சாட்டை பாரபட்சமற்ற முறையில் காவல் துறையினா் விசாரிக்கும் வகையில், அவா் வகிக்கும் பதவியிலிருந்து இடைநீக்கம் செய்ய வேண்டும் என தில்லி பாஜக சனிக்கிழமை கோரிக்கை வைத்துள்ளது.
இது குறித்து தில்லி பாஜக செய்தித் தொடா்பாளா் பிரவீன் ஷங்கா் கபூா், தில்லி துணை நிலை ஆளுநா் வி.கே.சக்சேனாவுக்கு கடிதம் எழுதியுள்ளாா். அந்தக் கடிதத்தில் கூறப்பட்டிருப்பது வருமாறு: கடந்த ஜனவரி 19-ம் தேதி மாலிவாலை மானபங்கம் செய்ததாகக் கூறப்படும் சம்பவம் தொடா்பான போலீஸ் விசாரணை முடியும் வரை அவரை தில்லி மகளிா் ஆணையத் தலைவா் பொறுப்பிலிருந்து இடைநீக்கம் செய்ய வேண்டும். டிசிடபிள்யு தலைவரை மானபங்கம் செய்ததாக குற்றம் சாட்டப்பட்டவா் ஆம் ஆத்மி கட்சி தொண்டா் என தகவல்கள் தெரிவிக்கின்றன. ஜனவரி 19 அதிகாலையில் எய்ம்ஸ் அருகே நடந்ததாகக் கூறப்படும் இந்தச் சம்பவத்தில், ஸ்வாதி மாலிவாலை அணுகியவா் போதையில் இருந்ததாகக் கூறப்படுகிறது. அனைவரும் இந்தச் சம்பவத்தை கண்டித்துள்ளனா். மேலும் சம்பவம் குறித்து புகாா் அளிக்கப்பட்டதையடுத்து, தில்லி போலீஸாா் விரைந்து செயல்பட்டு குற்றவாளிகளை ஒரு மணி நேரத்தில் கைது செய்தது திருப்தி அளிக்கிறது.
ஆனால், இது குறித்த சமூக ஊடகங்கள், மற்ற ஊடகங்களில் இந்த விவகாரத்தில் சம்பந்தப்பட்ட தில்லி சங்கம் விஹாரைச் சோ்ந்த ஹரீஷ் சந்திர சூா்யவன்ஷி, தில்லி ஆளும் ஆம் ஆத்மி கட்சியைச் சோ்ந்தவா். இவா் சங்கம் விஹாரில் அக்கட்சியின் தீவிர பணியாளா். ஆம் ஆத்மி எம்எல்ஏ ஒருவருடன் ஹரிஷ் சந்திர சூா்யவன்ஷி பிரசாரம் செய்யும் புகைப்படங்கள் உள்ளன. ஆம் ஆத்மி கட்சியுடனான இந்தத் தொடா்பு வெளிப்பட்டுள்ளத்ன் மூலம், ஸ்வாதி மாலிவாலை அம்பலப்படுத்தியுள்ளது. மேலும், அவா் தனது அலுவலகத்தை, அதிகாரத்தை பயன்படுத்தி இந்த விவகாரத்தில் காவல்துறை விசாரணையில் தலையிட தன்னால் முடிந்தவரை முயற்சிப்பாா். எனவே, இந்த மானபங்கம் விவகாரம் தொடா்பான விசாரணை முடியும் வரை, டிசிடபிள்யு தலைவா் பதவியில் இருந்து மலிவாலை இடைநீக்கம் செய்ய வேண்டும். அதன் மூலம் அவா் ‘தனது பதவியை தவறாகப் பயன்படுத்த முடியாது’ என்று பாஜக செய்தி தொடா்பாளா் கபூா் தனது கடிதத்தில் குறிப்பிட்டுள்ளாா்.
மாலிவாலை துன்புறுத்தியதாக குற்றம் சாட்டப்பட்டவா் சூா்யவன்ஷி, சங்கம் விஹாரில் ஆம் ஆத்மி கட்சியின் முக்கிய செயல்பாட்டாளா் என தில்லி பாஜக செயல் தலைவா் வீரேந்திர சச்தேவா கூறியுள்ளாா். குறிப்பாக, குற்றம் சாட்டப்பட்டவா், ஆம் ஆத்மி எம்எல்ஏ பிரகாஷ் ஜாா்வாலுடன் தோ்தல் பிரசாரம் செய்யும் புகைப்படத்தையும் சச்தேவா பகிா்ந்துள்ளாா்.