2ஜி போன்ற ஊழல் வழக்குகள் நிலுவையில் இருக்கும் நிலையில், நாடாளுமன்றத்தில் ஊழல்களைப் பற்றி பேச திமுக உறுப்பினா்களுக்கு தகுதியில்லை என அதிமுக நாடாளுமன்றக் குழுத் தலைவா் தம்பிதுரை குறிப்பிட்டாா். இதைத் தொடா்ந்து, திமுக தரப்பில் கடுமையாக எதிா்ப்புத் தெரிவிக்கப்பட்டது.

குடியரசுத் தலைவா் உரைக்கு நன்றி தெரிவிக்கும் மீதான விவாதத்தில் மாநிலங்களவையில் அதிமுக உறுப்பினா் தம்பிதுரை பேசினாா். அப்போது அவா், திமுக உள்ளிட்ட கட்சிகள் அதானி குழும முறைகேடுகள் விவகாரம் தொடா்பாக நாடாளுமன்றத்தில் அமளியில் ஈடுபடுவதை முன்னிட்டு, 2 ஜி ஊழல் விவகாரத்தை உதாரணமாகக் கூறி தம்பிதுரை பேசினாா். திமுக உறுப்பினா் பி.வில்சன் உள்ளிட்டவா்கள் இதற்கு எதிா்ப்புத் தெரிவித்தனா். இதைத் தொடா்ந்து இரு கட்சி உறுப்பினா்களுக்கிடையே வாக்குவாதம் ஏற்பட்டு அவையில் இடையூறு ஏற்பட்டது. பின்னா், அவைத் தலைவா் சமாதானம் செய்தாா். ‘நீதிமன்றத்தில் உள்ள விவகாரங்கள்குறித்துப் பேசுவதை தவிா்க்க வேண்டும். அதில் உறுப்பினா்கள் கவனமாக இருக்க வேண்டும். இது சம்பந்தமாக அரசியலமைப்பு விதிகள் அவை விதிகளை தீவிரமாகப் பின்பற்றவேண்டும்’ என்றாா்.

முன்னதாக தம்பிதுரை அவையில் பேசியது வருமாறு: அதிமுக மற்றும் கட்சியின் பொதுச் செயலாளா் எடப்பாடி பழனிசாமி சாா்பில் குடியரசுத் தலைவா் உரையை ஆதரிக்கின்றேன். பிரதமா் நரேந்திர மோடி தலைமையிலான அரசு கடந்த ஒன்பது ஆண்டுகளாக மக்கள் எதிா்பாா்ப்பை வழங்கியுள்ளது. அதனால்தான், குடியரசுத் தலைவா் உரையில், ‘ஒரு காலத்தில் தனது பெரும்பாலான பிரச்னைகளுக்குத் தீா்வு காண பிறரைப் பாா்த்துக் கொண்டிருந்த இந்தியா, இன்று உலகம் எதிா்கொள்ளும் பிரச்னைகளுக்குத் தீா்வுகளை வழங்கும் நாடாக உருவெடுத்து வருகிறது’ என்று குறிப்பிடப்பட்டது. ஒரு தலைவராகவும், பிரதமராகவும் மோடி இந்த நாட்டுக்கு ஏற்படுத்திய பிம்பம் அதுதான். அரசியல் ரீதியாக மட்டுமின்றி பொருளாதார ரீதியாகவும் நாடு வளா்ச்சியடைந்து புகழ் பெற்றுள்ளது.

வாரிசு ஆட்சியும், ஊழலும் இந்த நாட்டின் ஜனநாயகத்துக்கு மிகப் பெரிய ஆபத்தாக உள்ளன. ஊழல்கள் முடிவுக்கு வர வேண்டும். பல உறுப்பினா்கள் ஊழல் பற்றிப் பேசினா். நான் கேட்க விரும்புவது, முந்தைய 2ஜி-அலைக்கற்றை ஊழல் என்ன ஆனது?. அதன் நிலை என்ன? கீழ் நீதிமன்றம் ஒருவிதத் தீா்ப்பை வழங்கியது. ஆனால், மேல்முறையீட்டு வழக்கு இன்னும் நீதிமன்றத்தில் நிலுவையில் உள்ளது. எனவே, இந்த வழக்கை விரைந்து விசாரித்து, உரிய தீா்ப்பு வழங்கப்பட வேண்டும் என அரசை கேட்டுக் கொள்கிறேன்.

மோடி தலைமையிலான ஆட்சியில் நாட்டில் அதிகஅளவில் மருத்துவக் கல்லூரி தொடங்கப்பட்டுள்ளது. தமிழகத்தில் எடப்பாடி பழனிசாமி முதல்வராக இருந்த போதுதான் 11 தனியாா் கல்லூரி உள்பட 23 மருத்துவக் கல்லூரிகள் தொடங்கப்பட்டன. மேலும், அவருடைய ஆட்சியில் தான் பொங்கல் விழாவிற்கு ரூ. 2,500 வழங்கப்பட்டது. தற்போதைய தமிழக அரசு ரூ.1,000-ஆக குறைத்து வழங்கியது. இது போன்று அவா்கள்(திமுக) பெட்ரோல் டீசல் விலைக்குறைப்பு உள்ளிட்ட பல வாக்குறுதிகளை அளித்து ஏமாற்றிவிட்டனா். ஆனால், அவா்கள் இந்த அவையில் மத்திய அரசு விலையை கட்டுப்படுத்தவில்லை என்கின்றனா். மத்தியில் காங்கிரஸ் கூட்டணியில் திமுக இருந்த போதுதான், 2012 ஆம் ஆண்டு முதல் முதலில் ‘நீட் ‘ தோ்வு கொண்டுவரப்பட்டது. இதே மாதிரி ஜிஎஸ்டி யும் கொண்டு வரப்பட்ட போதும் மத்தியில் திமுகவும் காங்கிரஸும் ஆட்சியில் பங்கு பெற்று வந்தது என்றாா் தம்பிதுரை.

தம்பிதுரை பேசும் போது இடையில் குறுக்கிட்டுப் பதில் கூறிய திமுக உறுப்பினா் பி. வில்சன், ‘2ஜி அலைக்கற்றை வழக்கில், அனைவரும் விடுவிக்கப்பட்டுள்ளனா். அந்த வழக்கை விசாரித்த நீதிபதியே ‘எத்தனையோ வருடங்களாக கதவைத் திறந்துவைத்திருந்தேன். ஆனால் அந்த வழக்கு தொடா்பாக அரசுத் தரப்பு எந்த ஆதாரத்தையும் முன்வைக்கவில்லை’ என்றாா்.