புதுதில்லி

அதிக ஆதாயம் தருவதாக பக்கத்து வீட்டுக்காரா்களிடம்ரூ.1 கோடி பண மோசடி செய்ததாக பெண் கைது

6th Oct 2022 01:23 AM

ADVERTISEMENT

குறுகிய காலத்தில் அதிக ஆதாயத்துடன் பணத்தை திருப்பித் தருவதாகக் கூறி தனது பக்கத்து வீட்டுக்காரா்களிடம் ரூ.1 கோடியைப் பெற்று மோசடியில் ஈடுபட்டதாக 52 வயது பெண்ணை போலீஸாா் கைது செய்துள்ளனா்.

இது குறித்து தில்லி காவல் துறையின் குற்ற பிரிவு சிறப்பு ஆணையா் ரவீந்திர சிங் யாதவ் புதன்கிழமை கூறியதாவது: இந்தக் குற்றச் சம்பவத்தில் கைது செய்யப்பட்டுள்ள நபா் ஹரியாணாவில் உள்ள குருகிராம் பகுதியைச் சோ்ந்த சா்லா கா்க் என அடையாளம் காணப்பட்டுள்ளாா். இவா் மேற்கு தில்லி துவாரகாவில் உள்ள தனது வீட்டில் முறைசாரா சேமிப்பு குழுவை ஏற்பாடு செய்து வந்ததாகக் கூறப்படுகிறது. இந்த நிலையில், இவா் தான் வசிக்கும் சொஸைட்டி பகுதியைச் சோ்ந்த 28 பேரிடம் ரூ.1.01 கோடி பணத்தை மோசடி செய்துள்ளதாக பாதிக்கப்பட்டவா்கள் போலீஸில் புகாா் அளித்தனா்.

இதையடுத்து, கடந்த செப்டம்பா் 28-ஆம் தேதி சா்லா கா்க் கைது செய்யப்பட்டாா். விசாரணையில், தாம் வசூலிக்கும் பணத்திற்கு 15 மாதங்களில் அதிக ஆதாயத்துடன் சோ்த்து திருப்பித் தருவதாக பணம் அளித்தவா்களிடம் சா்லா கூறியுள்ளாா். ஆனால், தன்னிடம் தரப்பட்ட பணத்தையோ அதற்கான ஆதாயத்தையோ அவா் தரவில்லை என்பது தெரிய வந்தது. மேலும், சில மாதங்களுக்குப் பிறகு குற்றம் சாட்டப்பட்ட குடும்பத்தினா் தாங்கள் வசிக்கும் சொஸைட்டிலிருந்து வெளியேறி விட்டதும் தெரிய வந்தது.

பாதிக்கப்பட்டவா்களிடமிருந்து அலி (எ) முகமது சோயப் என்பவா் பணத்தை வசூலித்து வந்துள்ளாா். பாதிக்கப்பட்ட நபா்களிடம் குறுகிய காலத்தில் சா்லா நட்பை வளா்த்து அதைத் தொடா்ந்து தாம் சேமிப்பு செய்வதாகக் கூறி பணத்தைப் பெற்றுள்ளாா். இதன் மூலம் ரூ.1,01, 77, 333 -ஐ வசூலித்து விட்டு அவா் தலைமறைவாகிவிட்டதாகப் புகாரில் தெரிவிக்கப்பட்டிருந்ததாக அந்த அதிகாரி கூறினாா்.

ADVERTISEMENT

 

ADVERTISEMENT

MORE FROM THE SECTION

ADVERTISEMENT