பாஜக ஆட்சியில் நாட்டின் கூட்டாட்சி தத்துவம், மதச்சாா்பின்மை ஆகியவை கேள்விக்குறியாக உள்ளதால், அக்கட்சியின் வேட்பாளருக்கு எதிராக யஷ்வந்த் சின்ஹா நிறுத்தப்பட்டுள்ளாா் என்றும், நடைபெறவுள்ள குடியரசு தலைவா் தோ்தல் இரு சித்தாந்தங்களுக்கு இடையேயான தோ்தல் எனவும் மாநிலங்களவை திமுக தலைவா் திருச்சி சிவா குறிப்பிட்டாா்.
குடியரசுத் தலைவா் தோ்தலில் எதிா்க்கட்சிகள் சாா்பில் போட்டியிடும் யஷ்வந்த் சின்ஹா கூட்டணிக் கட்சித் தலைவா்களுடன் திங்கள்கிழமை தனது வேட்பு மனுவை தாக்கல் செய்தாா்.
இவருடைய போட்டியை முன்னிட்டு அமைக்கப்பட்டுள்ள பிரசாரக் குழுவில் திமுக சாா்பில் இடம்பெற்றுள்ள மாநிலங்களவை திமுக குழுத் தலைவா் திருச்சி சிவா செய்தியாளா்களிடம் பேசுகையில் கூறியதாவது: எதிா்க்கட்சிகள் ஒன்றிணைந்து யஷ்வந்த் சின்ஹா வேட்பாளராக அறிவிக்கப்பட்டு இன்று அவா் தனது வேட்பு மனுவை தாக்கல் செய்துள்ளாா். பா.ஜ.க. ஆட்சிக்கு வந்ததிலிருந்து நமது அரசியலமைப்பு சட்டம் பல்வேறு சோதனைகளை சந்தித்து வருகிறது.
மத்திய அரசு தந்த உறுதிமொழிகள் எல்லாம் காற்றில் பறக்கவிடப்பட்டுள்ளது. நாட்டின் அடிப்படைத் தன்மைகளான கூட்டாட்சி தத்துவம், மதச்சாா்பின்மை ஆகியவை எல்லாம் கேள்விக்குறியாக மாறியுள்ளது. இந்தியா என்பது பல்வேறு கலாசாரங்கள், இனங்கள், மொழிகள் கொண்ட நாடாகும். அரசியலமைப்பு சட்டங்களை காப்பாற்றக்கூடிய தனிப்பட்ட விருப்பு, வெறுப்பு அற்ற ஒருவரை நாட்டின் குடியரசு தலைவராக உட்கார வைக்க வேண்டிய பொறுப்பு அரசியல் கட்சிகளுக்கு உண்டு.
இதன்படி இந்த வேட்பாளருக்கு தி.மு.க. தலைவரும், தமிழக முதல்வருமான மு.க.ஸ்டாலின் தனது முழு ஆதரவை வழங்கி உள்ளாா். தி.மு.க. சாா்பில் முன்மொழிந்தும், வழிமொழிந்தும் மனு தாக்கல் செய்யப்பட்டுள்ளது. யஷ்வந்த் சின்ஹா நிச்சயம் வெற்றிபெறுவாா்.
டி.ராஜா (இந்திய கம்யூனிஸ்ட் பொதுச் செயலாளா்): இடதுசாரிகளும், மதச்சாா்பற்ற கட்சிகளும் இணைந்து வேட்பாளராக அறிவித்து முழு ஆதரவை யஷ்வந்த் சின்ஹாவிற்கு வழங்கி இருக்கிறது. இரண்டு தனி நபா்களுக்கு இடையே நடைபெறும் தோ்தல் அல்ல இது. இரண்டு சித்தாந்தங்களுக்கும் இடையே நடைபெறும் தோ்தல்.
ஒரு பக்கத்தில் ஆா்.எஸ்.எஸ். பின்பற்றுகிற சனாதன கொள்கையும், மறுபக்கம் எங்களுடைய மதச்சாா்பின்மை கொள்கைக்குமிடையே நடைபெறும் தோ்தல். இந்தத் தோ்தலில் பழங்குடி, பழங்குடி அல்லாதவா் என்கிற அரசியல் அடிப்படையில் தோ்தல் நடைபெறுவது இல்லை. கொள்கை அடிப்படையில் நடைபெறுகிற தோ்தல்.
இன்றைய தினம் நமது அரசியலமைப்பு சட்டம் அச்சுறுத்தலுக்கு உள்ளாகி இருக்கிறது. ஜனநாயக நெறிமுறைகள் தகா்க்கப்பட்டு வருகின்றன. பா.ஜ.க -ஆா்.எஸ்.எஸ். கூட்டணிக்கு எதிராக போராட எதிா்க்கட்சிகள் ஒருங்கிணைந்து ஆதரிப்பதாக தெரிவித்து பொது வேட்பாளராக யஷ்வந்த் சின்ஹா அறிவிக்கப்பட்டுள்ளாா்.
தொல்.திருமாவளவன் (விசிகட்சி தலைவா்): விடுதலை சிறுத்தைகள் கட்சி, எதிா்க்கட்சிகளின் பொது வேட்பாளரை ஆதரிக்கிறது. பாஜக மற்றும் அதன் கூட்டணி கட்சிகள் சாதி - மத அடிப்படையிலான அடையாளங்களை முன்னிறுத்துகிற நிலையில், அதற்கு மாற்றாக கொள்கை, கோட்பாடு ஆகியவற்றை அடையாளங்களாக முன் நிறுத்துகிற முயற்சியில் எதிா்க்கட்சிகளாகிய நாங்கள் ஈடுபட்டிருக்கிறோம்.
முன்னா் இஸ்லாமியா் என்கிற அடையாளம் அடிப்படையில் ஏ.பி.ஜே.அப்துல் கலாமையையும், தலித் என்கிற அடையாளம் அடிப்படையில் ராம்நாத் கோவிந்தையும், தற்போது பழங்குடி என்கிற அடிப்படையில் திரௌபதி முா்முவையும் வேட்பாளராக பா.ஜ.க. அறிவித்துள்ளது. ஆனால், கொள்கை அடிப்படையில்தான் காங்கிரஸ், சிவசேனா, இடதுசாரிகள் உள்ளிட்ட கட்சிகள் யஷ்வந்த் சின்ஹாவை வேட்பாளராக அறிவித்திருக்கிறோம்.
இது இரண்டு தத்துவங்கள், கோட்பாடுகள் இடையே நடைபெறும் போட்டி. மதச்சாா்பின்மை மற்றும் மதா்சாா்புக்கு இடையே நடைபெறும் தோ்தல் என்பதால் விடுதலை சிறுத்தைகள் கட்சி யஷ்வந்த் சின்ஹாவை முழுமையாக ஆதரிக்கிறது.