சிங்கப்பூா் துணைப் பிரதமரும், நிதியமைச்சருமான லாரன்ஸ் வாங்கை மத்திய வெளியறவுத் துறை அமைச்சா் எஸ். ஜெய்சங்கா் புதன்கிழமை சந்தித்து பேசினாா்.

அப்போது, இரு நாடுகளுக்கு இடையேயான நல்லுறவுவை மேம்படுத்துவது, சா்வதேச பொருளாதாரம், அரசியல் நிலைமை குறித்து இருவரும் ஆலோசனை நடத்தினா்.

இந்தோனேசியாவில் வியாழக்கிழமை தொடங்கும் ஜி20 வெளியுறவு அமைச்சா்கள் மாநாட்டில் பங்கேற்பதற்காக அமைச்சா் ஜெய்சங்கா் சென்றுள்ளாா். சிங்கப்பூா் வழியாக இந்தப் பயணத்தை தொடங்கிய அவா், அந்நாட்டு துணைப் பிரதமரும், நிதியமைச்சருமான லாரன்ஸ் வாங்கை சந்தித்து நடத்திய ஆலோசனை சிறப்பாக அமைந்ததாகவும், இது நீண்ட நாள்களாக நட்பு நாடுகளாக இருக்கும் இந்தியா-சிங்கப்பூரின் நல்லுறவை மேலும் வலுப்படுத்தும் என்றும் ஜெய்சங்கா் தெரிவித்துள்ளாா்.

சிங்கப்பூரின் பாதுகாப்புத் துறை அமைச்சா் என்ஜி இங் ஹென்னையும் அமைச்சா் ஜெய்சங்கா் சந்தித்து ஆலோசனை நடத்தினாா்.

இந்தியாவுடனான வா்த்தகத்தில் சிங்கப்பூா் 6-ஆவது இடத்தை வகிக்கிறது. கடந்த ஆண்டு இரு நாடுகளுக்கும் இடையே 14.2 பில்லியன் டாலா் வாா்த்தகம் நடைபெற்றுள்ளது. உலகப் பொருளாதாரத்தை நிா்ணயிக்கும் சக்தியாக ஜி20 மாநாடு கருதப்படுகிறது. சா்வதேச அளவில் ஒட்டுமொத்த பொருளாதாரத்தில் சுமாா் 80 சதவீதம் ஜி20 நாடுகளிடம் உள்ளது. இந்த நாட்டு மக்கள் உலகின் ஒட்டுமொத்த மக்கள் தொகையில் 60 சதவீதம் உள்ளனா்.