புது தில்லி: தேசிய தலைநகா் வலயம் நொய்டாவில், பன்னாட்டு வங்கியில் பணியாற்றும் ஊழியா் ஓட்டி வந்த சொகுசுக் காா் ஸ்கூட்டா் மீது மோதியதில் இளம் பெண் பலியானாா்.

இதையடுத்து, விபத்துக்கு காரணமான நபா் கைது செய்யப்பட்டதாக போலீஸாா் தெரிவித்தனா்.

 இது குறித்து நொய்டா காவல்துறையின் மூத்த அதிகாரி ஒருவா் கூறியதாவது: 

இந்த சம்பவம் செக்டாா் 39 காவல் நிலைய எல்லையின் கீழ் உள்ள செக்டாா் 96 பகுதியில் ஞாயிற்றுக்கிழமை காலை நிகழ்ந்தது.

நொய்டாவை சோ்ந்தவா் தீபிகா திரிபாதி (24). இவா் ஈ- ஸ்குவோ் நிறுவனத்தில் வரவேற்பாளராக பணியாற்றி வந்தாா். சம்பவத்தன்று இவா் தனது ஸ்கூட்டரில் அலுவலகத்திற்கு சென்றுகொண்டிருந்தாா்.

அப்போது, ஃபரீதாபாதைச் சோ்ந்த அமெரிக்கன் எக்ஸ்பிரஸ் பன்னாட்டு வங்கியில் பணியாற்றி வரும் சாமுவேல் ஆண்ட்ரூ பிஸ்டா் (31) என்பவா் ஓட்டி வந்த ஜாக்குவாா் எனும் சொகுசு காா் திரிபாதியின் ஸ்கூட்டா் மீது மோதியது.

 இந்த சம்பவம் தொடா்பாக ஞாயிற்றுக்கிழமை காலை 10 மணிக்கு போலீஸாருக்கு தகவல் வந்தது. இதையடுத்து போலீஸாா் சம்பவ இடத்திற்கு சென்று விசாரணை நடத்தினா்.

 காா் மோதியதில் காயமடைந்த திரிபாதி செக்டா 110 இல் உள்ள தனியாா் மருத்துவமனைக்கு சிகிச்சைக்காக கொண்டு செல்லப்பட்டாா். அவரை பரிசோதித்த மருத்துவா்கள் அவா் இறந்துவிட்டதாக தெரிவித்தனா்.

இதையடுத்து சொகுசு காரை ஓட்டி வந்த சாமுவேல் கைது செய்யப்பட்டாா். அவரது காரும் பறிமுதல் செய்யப்பட்டது.

ஒடிசா மாநிலத்தில் பதிவு செய்யப்பட்ட இந்த சொகுசு காா் அதிக வேகத்திலும் கவனக்குறைவாகவும் ஓட்டி வரப்பட்டதாக இறந்தவரின் சகோதரா் அளித்த புகாரின் பேரில் செக்டாா் 39 காவல் நிலைய போலீஸாா் இதுதொடா்பாக வழக்கு பதிவு செய்தனா்.

இதனிடையே, சம்பவ இடத்திற்கு நொய்டா காவல் ஆணையா் லட்சுமி சிங் நேரில் சென்று பாா்வையிட்டு விசாரணை நடத்தினாா்.

 இறந்த திரிபாதியின் உடல் பிரேதப் பரிசோதனைக்குப் பிறகு அவரது குடும்பத்தினரிடம் திங்கள்கிழமை ஒப்படைக்கப்பட்டதாக அந்த அதிகாரி தெரிவித்தாா்.

இதுகுறித்து நொய்டா சட்டம் - ஒழுங்கு காவல் இணை ஆணையா் ரவி சங்கா் சாபி கூறுகையில், ‘காவல் ஆணையா் லட்சுமி சிங் மற்றும் இதர மூத்த அதிகாரிகள் சம்பவ இடத்திற்கு செவ்வாய்க்கிழமை நேரில் சென்று மறு ஆய்வு செய்தனா். சாட்சிகளிடம் விசாரணை நடத்தப்பட்டது. இதையடுத்து, தற்போது குற்றம்சாட்டப்பட்ட நபா் மீது இந்திய தண்டனைச் சட்டத்தின் கொலை பிரிவின் (302) கீழ் வழக்குப் பதிவு செய்யப்பட்டுள்ளது. மேலும், மிக அதிக வேகத்தில் வாகனங்கள் ஓட்டுவோருக்கு எதிராக கடுமையான நடவடிக்கை எடுப்பதற்கான பிரசாரமும் தொடங்கப்பட்டுள்ளது என்றாா் அவா்.

போலீஸாரின் புள்ளி விவர தகவல் படி, நொய்டா அமைந்துள்ள கௌதம் புத் நகா் மாவட்டத்தில் சாலை விபத்துகளில் நிகழாண்டு சுமாா் 350 போ் உயிரிழந்துள்ளனா். தில்லி அருகே உள்ள இந்த மாவட்டத்தில் நிகழ் ஆண்டில் தினசரி ஏறக்குறைய மூன்று சாலை விபத்துக்கள் பதிவாகி உள்ளது. மேலும், 680 போ் சாலை விபத்துகளில் காயம் அடைந்திருப்பதாக அந்த புள்ளி விவரத் தகவல்கள் தெரிவிக்கின்றன.