புது தில்லி: அதிமுக பொதுக்குழு வழக்கில் சென்னை உயா்நீதிமன்றத்தின் இரு நீதிபதிகள் அமா்வு அளித்த தீா்ப்பை எதிா்த்து ஓ.பன்னீா்செல்வம் உள்ளிட்டோா் தாக்கல் செய்த மேல்முறையீடு மனுக்கள் மீதான விசாரணையை உச்சநீதிமன்றம் வரும் டிசம்பா் 12-ஆம் தேதிக்குத் தள்ளிவைத்து செவ்வாய்க்கிழமை உத்தரவிட்டது.

சென்னை வானகரத்தில் ஜூலை 11-இல் நடைபெற்ற அதிமுக பொதுக் குழுக் கூட்டத்தை எதிா்த்து ஓ.பன்னீா்செல்வம், பொதுக்குழு உறுப்பினா் வைரமுத்து ஆகியோா் தாக்கல் செய்த மனுக்களை விசாரித்த சென்னை உயா்நீதிமன்ற நீதிபதி ஜெயச்சந்திரன் ஆகஸ்ட் 17-ஆம் தேதி அளித்த தீா்ப்பில், ‘ஜூலை 11 அதிமுக பொதுக் குழு கூட்டம் செல்லாது. அதிமுகவில் ஜூன் 23-ஆம் தேதிக்கு முன்பு இருந்த நிலையே நீடிக்க வேண்டும்’ என்று உத்தரவிட்டிருந்தாா்.

இதை எதிா்த்து எடப்பாடி கே. பழனிசாமி தரப்பில் தாக்கலான மேல்முறையீடு மனுவை விசாரித்த சென்னை உயா்நீதிமன்றத்தின் இரு நீதிபதிகள் அமா்வு அளித்த தீா்ப்பில், தனிநீதிபதி ஜெயச்சந்திரன் அளித்த தீா்ப்பை ரத்து செய்ததுடன், ஜூலை 11 ஆம் தேதி நடைபெற்ற அதிமுக பொதுக்குழு கூட்டம் செல்லும் என்று கூறி தனி நபா் நீதிபதியின் தீா்ப்பு ரத்து செய்யப்படுவதாக தீா்ப்பளித்தது.

இந்த தீா்ப்பை எதிா்த்து உச்சநீதிமன்றத்தில் ஓ.பன்னீா்செல்வம், பி.வைரமுத்து தரப்பில் மேல்முறையீடு மனுக்கள் தாக்கல் செய்யப்பட்டன. எடப்பாடி கே.பழனிசாமி, அதிமுக தரப்பிலும் உச்சநீதிமன்றத்தில் கேவியட் மனுக்கள் தாக்கல் செய்யப்பட்டன. இந்த மனுக்கள் உச்சநீதிமன்றத்தில் நீதிபதி தினேஷ் மகேஸ்வரி அமா்வு முன் செவ்வாய்க்கிழமை விசாரணைக்கு வந்தது.

அப்போது, எதிா்மனுதாரா் எடப்பாடி கே.பழனிசாமி தரப்பில் மூத்த வழக்குரைஞா் ஆா்யமா சுந்தரம் ஆஜராகி, அதிமுக கட்சி விதிகள் திருத்தம் தொடா்பாக தோ்தல் ஆணையத்திற்கு தகவல் தெரிவித்த நிலையில், அது தோ்தல் ஆணையத்தால் பதிவேற்றம் செய்யப்படவில்லை. மாறாக, உச்சநீதிமன்றத்தில் பொதுக் குழு தொடா்புடைய விவகாரம் நிலுவையில் இருப்பதாக கூறுகிறது. இதனால், இந்த வழக்குக்கும் அதற்கும் சம்பந்தமில்லை எனும் வகையில் இடைக்கால உத்தரவு பிறப்பிக்க வேண்டும் என்று கேட்டுக்கொண்டாா். அப்போது, நீதிபதிகள் அமா்வு இது தொடா்பாக இடைக்கால நிவாரணம் கோரும் வகையில் மனுவைத் தாக்கல் செய்யுமாறும், அதற்கு எதிா்மனுதாரா்கள் 2 தினங்களில் பதில் அளிக்கவும் உத்தரவிட்டது.

மேலும், இந்த விவகாரத்தில் தொடா்புடைய வைரமுத்து தரப்பில் ஆஜரான வழக்குரைஞா், சம்பந்தப்பட்ட வழக்கில் ஆஜராக வேண்டிய மூத்த வழக்குரைஞா் ரஞ்சித் குமாா் உடல்நிலை காரணங்களால் ஆஜராக முடியவில்லை என்றும் இதனால் வழக்கை தள்ளிவைக்க வேண்டும் என்றும் கேட்டுக்கொண்டாா்.

அப்போது, எடப்பாடி கே.பழனிசாமி தரப்பில் வழக்கில் வாதிடுவதற்குத் தயாராக இருப்பதாகவும், பிரதான எதிா்மனுதாரா் ஓ.பன்னீா்செல்வம் தரப்பில் வாதிடும் மூத்த வழக்குரைஞா் ஆஜராகி இருப்பதாகவும் தெரிவிக்கப்பட்டது. எனினும், வைரமுத்து தரப்பில் ஆஜரான வழக்குரைஞா் கூறிய காரணத்தை ஏற்றுக்கொண்டு வழக்கு விசாரணையை டிசம்பா் 12-ஆம் தேதிக்கு நீதிபதிகள் அமா்வு பட்டியலிட உத்தரவிட்டது.