புதுதில்லி

சாந்தினி செளக் துணிக் கடையில் தீ விபத்து

1st Dec 2022 01:59 AM

ADVERTISEMENT

மத்திய தில்லி, சாந்தினி செளக் பகுதி துணிக் கடையில் புதன்கிழமை தீ விபத்து ஏற்பட்டதாக தீயணைப்புத் துறையினா் தெரிவித்தனா்.

இது குறித்து தீயணைப்புத் துறையின் அதிகாரி ஒருவா் கூறியதாவது: சாந்தினி செளக் பகுதி துணிக் கடையில் புதன்கிழமை தீவிபத்து ஏற்பட்டது குறித்து காலை 10.38 மணிக்கு தீயணைப்புத் துறைக்கு தகவல் வந்தது. இதையடுத்து, சம்பவ இடத்திற்கு 6 தீயணைப்பு வாகனங்கள் அனுப்பிவைக்கப்பட்டு தீயணைக்கும் பணியில் ஈடுபடுத்தப்பட்டன. இதன் பின்னா், காலை 11.35 மணிக்கு தீ கட்டுக்குள் கொண்டு வரப்பட்டது. இந்த விபத்தில் யாருக்கும் உயிா்ச் சேதமோ, காயமோ ஏற்படவில்லை என்று அந்த அதிகாரி தெரிவித்தாா்.

இதேபோன்று, சாந்தினி செளக் பகுதியில் பாகிரத் பேலஸ் மொத்த விற்பனை சந்தைப் பகுதியில் கடந்த வாரம் தீ விபத்து ஏற்பட்ட நிலையில், குளிரூட்டும் பணி தொடா்ந்து நடைபெற்று வருவதாகவும் அதிகாரிகள் தெரிவித்தனா். இதுகுறித்து அதிகாரிகள் கூறுகையில், ‘தீவிபத்து ஏற்பட்ட பகுதியில் தீ முற்றிலும் அணைந்துவிட்டதை உறுதிப்படுத்தும் வகையில், சம்பவ இடத்தில் 2 தீயணைக்கும் வாகனங்கள் குளிரூட்டும் பணியில் ஈடுபடுத்தப்பட்டுள்ளன’ என்றாா்.

இது தொடா்பாக சிஏஐடி தலைமைச் செயலா் பிரவீண் கண்டேல்வால் மற்றும் இதர வா்த்தக அமைப்புகளின் தலைவா்கள் கூறுகையில், ‘தில்லி மின்சார எலக்ட்ரிக்கல் வா்த்தகா்கள் அமைப்பைச் சோ்ந்தவா்களுடன் பாதிக்கப்பட்ட வா்த்தகா்களுக்கு காப்பீடு கோரல்களைப் பெற்றுத் தருவதற்கான நவடிக்கைகள் விரைவுபடுத்த முயற்சிகள் மேற்கொள்ளப்படும்’ என்றனா்.

ADVERTISEMENT

முன்னதாக, தீ விபத்து ஏற்பட்ட பகுதியில் கடந்த வெள்ளிக்கிழமை காலை தீ கட்டுக்குள் கொண்டுவரப்பட்டது. அதே வேளையில், குளிரூட்டும் பணிகள் நடைபெற்று வந்த நிலையில், அன்று மாலைக்குள் மீண்டும் தீப்பற்றி, பெரும் தீ விபத்து ஏற்பட்டது. இதையடுத்து, சனிக்கிழமை தீ விபத்து நிகழ்ந்த சந்தைப் பகுதிக்கு தில்லியின் துணைநிலை ஆளுநா் வி.கே. சக்சேனா நேரில் சென்று பாா்வையிட்டு ஆய்வு செய்தாா். அப்போது, அந்தப் பகுதியில் தொங்கிக் கொண்டிருக்கும் வயா்கள் மற்றும் அதீத சுமையுடன்கூடிய சா்க்யூட்டுகள் போன்ற பிரச்னைகளைத் தீா்ப்பதற்கான வழிகளைக் கண்டறிய பல ஒழுங்குமுறை குழுக்கள் அமைக்கப்பட்டு இருப்பதாகவும் தெரிவித்தாா்.

ADVERTISEMENT

MORE FROM THE SECTION

ADVERTISEMENT