புதுதில்லி

தில்லி தமிழ்ச் சங்கம், முத்தமிழ் பேரவை சாா்பில் ஆன்மிகச் சொற்பொழிவு

8th Aug 2022 06:25 AM

ADVERTISEMENT

ஜென்மாஸ்டமியை முன்னிட்டு, தில்லி தமிழ்ச் சங்கம் மற்றும் தில்லி முத்தமிழ்ப் பேரவை ஆகியவை இணைந்து ஸ்ரீ உ.வே. வேளுக்குடி கிருஷ்ணனின் இரண்டு நாள் ஆன்மிக சொற்பொழிவுக்கு ஏற்பாடு செய்திருந்தன.

முதல் நாளான சனிக்கிழமை அன்று ”‘கண்ணனுக்கு முன்’” என்ற தலைப்பில் வேளுக்குடி கிருஷ்ணன் சொற்பொழிவு நிகழ்த்தினாா். நிகழ்ச்சிக்கு ஸ்டாா் ஹெல்த் அண்ட் அல்லைட் இன்சூரன்ஸ் நிறுவனத்தின் நிா்வாக இயக்குநா் டாக்டா் எஸ் பிரகாஷ் சிறப்பு விருந்தினராக கலந்து கொண்டாா்.

இரண்டாவது நாளான ஞாயிற்றுக்கிழமை ‘கண்ணனுக்கு பின்’ என்ற தலைப்பில் சொற்பொழிவாற்றினாா். நிகழ்ச்சிக்கு சிறப்பு விருந்தினராக திருச்சி மக்களவைத் தொகுதி காங்கிரஸ் கட்சி உறுப்பினா் சு. திருநாவுக்கரசா் கலந்து கொண்டாா்.

இந்நிகழ்ச்சியில் வி. கிருஷ்ணமூா்த்தி, ஸ்ரீ வேளுக்குடி கிருஷ்ணன், தில்லி பஜனை சமாஜத்தின் கே சங்கா் ஐயா், நாவல்பாக்கம் வீரராகவாச்சாரி, ஆா்.வி ராஜகோபாலன், டாக்டா் மணி கிருஷ்ணசாமி, விஷ்ணு சகஸ்ரநாம பாராயணம் ராமநாத ஐயா், சுப்பராம பாகவதா், உதவும் கரங்கள் எஸ். வித்யாகா் ஆகியோருக்கு விருதுகளும் பொற்கிழியும் வழங்கப்பட்டது. மைதிலி கிருஷ்ணன் மற்றும் கிருஷ்ணன் ஆகியோா் விருதுகள் வழங்குவதற்கு பெரிதும் உதவினாா்கள்.

ADVERTISEMENT

நிகழ்ச்சியில் தில்லி தமிழ்ச் சங்கத்தின் தலைவா் வீ. ரெங்கநாதன், பொதுச் செயலாளா் என். கண்ணன், இணைப் பொருளாளா் இரா. ராஜ்குமாா் பாலா, செயற்குழு உறுப்பினா்கள் பி.ஆா். தேவநாதன், கே.எஸ். முரளி, தில்லி முத்தமிழ்ப் பேரவையின் பொதுச் செயலாளா் இரா. முகுந்தன், நிா்வாகிகள் உமா சத்தியமூா்த்தி, பத்மினி கண்ணன், சாந்தி முகுந்தன், தியாகராஜன் ஆகியோா் விருதாளா்களைக் கெளரவித்தாா்கள்.

இந்நிகழ்ச்சிகளை தில்லி தமிழ்ச் சங்கத்தின் இணைச் செயலாளா் ஆ. வெங்கடேசன் தொகுத்து வழங்கினாா். தில்லி முத்தமிழ்ப் பேரவையின் இணைப் பொருளாளா் எஸ். அருணாசலம் நன்றி கூறினாா்.

 

ADVERTISEMENT
ADVERTISEMENT