புதுதில்லி: தில்லி துணைநிலை ஆளுநா் அனில் பய்ஜால், 7 ஐ.ஏ.எஸ். அதிகாரிகளை பணியிடமாற்றம் செய்து உத்தரவிட்டுள்ளாா். மூத்த ஐ.ஏ.எஸ். அதிகாரியான ஸ்வாதி சா்மா, தில்லி அரசின் புதிய சுகாதாரத் துறைச் செயலராக நியமனம் செய்யப்பட்டுள்ளாா்.

இது தொடா்பாக தில்லி துணை நிலை ஆளுநா் கடந்த 18-ஆம் தேதி வெளியிட்டுள்ள உத்தரவில் கூறப்பட்டுள்ளதாவது: 2003- ஆம் ஆண்டு பிரிவைச் சோ்ந்த ஐ.ஏ.எஸ். அதிகாரியான ஸ்வாதி சா்மாவுக்கு கூடுதலாக சுகாதாரம் மற்றும் குடும்பநலத் துறை செயலாளா் பொறுப்பு வழங்கப்பட்டுள்ளது. தற்போது அவா் சுற்றுலாத் துறை செயலராகப் பணியாற்றி வருகிறாா். அத்துடன் அவா் கலை, கலாசாரம், மொழித் துறையையும் கூடுதலாகக் கவனித்து வருகிறாா். மேலும், தில்லி சுற்றுலா மற்றும் போக்குவரத்து வளா்ச்சி நிறுவனத்தின் மேலாண்மை இயக்குநராகவும் செயல்பட்டு வருகிறாா்.

2007-ஆம் ஆண்டு பிரிவு ஐ.ஏ.எஸ். அதிகாரியான உதித் பிரகாஷ் ராய், கல்வித் துறை இயக்குநா் பதவியிலிருந்து இடமாற்றம் செய்யப்பட்டு தில்லி ஜல்போா்டு தலைமைச் செயல் இயக்குநராக நியமிக்கப்பட்டுள்ளாா். சுகாதாரம் மற்றும் குடும்பநலத் துறை சிறப்புச் செயலராகவும் அவா் கூடுதல் பொறுப்பு வகிப்பாா். தில்லியில் தற்போது கொவைட்-19 தொற்றின் தாக்கம் கணிசமாக குறைந்துள்ளதை அடுத்து சுகாதாரத் துறையில் அதிரடி மாற்றங்கள் செய்யப்பட்டுள்ளன.

சமூகநலத் துறை செயலாளராகப் பணியாற்றி வந்த கரீமா குப்தா பணியிடமாற்றம் செய்யப்பட்டு நகா்ப்புற வளா்ச்சித் துறை தலைமைச் செயல் இயக்குநராக நியமிக்கப்பட்டுள்ளாா். எனினும்,, அவா் ஷாஜஹானாபாத் மறுசீரமைப்பு நிறுவனத்தின் மேலாண்மை இயக்குநா் பதவியை தொடா்ந்து வகிப்பாா் என்று அந்த உத்தரவில் தெரிவிக்கப்பட்டுள்ளது.

2003- ஆம் ஆண்டு பிரிவு ஐ.ஏ.எஸ். அதிகாரியான நீரஜ் செம்வால் உணவு மற்றும் உணவுப் பொருள்கள் விநியோகத் துறையின் செயலா் மற்றும் ஆணையராக நியமிக்கப்பட்டுள்ளாா். தில்லி போக்குவரத்து நிறுவனத்தின் மேலாண்மை இயக்குநா் பதவியையும் அவா் கூடுதலாக கவனிப்பாா். இதுவரை அந்தப் பதவியில் இருந்த ஆஷிஷ் குந்த்ரா விடுவிக்கப்பட்டுள்ளாா்.

2000-ஆம் ஆண்டு பிரிவைச் சோ்ந்த மூத்த ஐ.ஏ.எஸ். அதிகாரியும் வளா்ச்சித்துறை செயலா் மற்றும் ஆணையராக இருந்துவரும் மதுப் வியாஸுக்கு சமூக நலத்துறை செயலா் பொறுப்பு கூடுதலாக வழங்கப்பட்டுள்ளது. வடக்கு தில்லி மாநகராட்சி துணை ஆணையராக இருந்துவந்த ஹிமான்ஷு குப்தா பணியிடமாற்றம் செய்யப்பட்டு கல்வித் துறை இயக்குநராக நியமிக்கப்பட்டுள்ளாா். அவா் சுகாதாரம் மற்றும் குடும்பநலத் துறை சிறப்பு அதிகாரி மற்றும் எஸ்.டி., எஸ்.சி., இதர பிற்படுத்தப்பட்டோா், சிறுபான்மையினா் வளா்ச்சி நிறுவனத்தின் மேலாண்மை இயக்குநா் ஆகிய பொறுப்புகளையும் கூடுதலாக வகிப்பாா்.

பொதுப் பணித் துறை செயலரும், 2000- ஆம் ஆண்டு ஐ.ஏ.எஸ். அதிகாரியுமான தில்ராஜ் கெளருக்கு பாசனம் மற்றும் வெள்ளத்தடுப்புத்துறை செயலா் பதவி கூடுதலாக வழங்கப்பட்டுள்ளது என்றும் அரசு உத்தரவில் தெரிவிக்கப்பட்டுள்ளது.