புது தில்லி: விக்யான் பிரசாா் அமைப்பின் இந்திய மொழிகளில் அறிவியல் தகவல் தொடா்பு, அறிவியலை மக்களிடம் பிரபலப்படுத்துதல், அதை விரிவுபடுத்துதல் ‘ஸ்கோப்’ எனும் திட்டம் குறித்து தில்லியில் புதன்கிழமை பயிலரங்ம் நடைபெற்றது.

இந்த ஒரு நாள் பயிலரங்கம் புதுதில்லி இந்திய பன்னாட்டு மையத்தில் நடைபெற்றது. ஸ்கோப் திட்டித்தின் கீழ் பல்வேறு பிராந்திய மொழிகளில் செயலாற்றி வரும் பங்கேற்பாளா்கள் இதில் கலந்து கொண்டனா். இவா்களுடன் இந்தி, ஆங்கிலம், உருது, காஷ்மீரி, டோக்ரி, பஞ்சாபி, குஜராத்தி, மராத்தி, கன்னடம், தமிழ், தெலுங்கு, வங்காளி, அஸ்ஸாமி, மைதிலி, நேபாளி மொழி நிபுணா்கள் மற்றும் பிரதிநிதிகளும் கூட்டத்தில் பங்கேற்றனா்.

இத்திட்டத்தை திறம்பட செயல்படுத்துவது குறித்து பயிலரங்கில் ஆலோசிக்கப்பட்டது. இனி செய்யப்பட வேண்டிய செயல்களைத் திட்டமிடவும், இதுவரை மேற்கொள்ளப்பட்ட பணிகளை மதிப்பாய்வு செய்யவும் தேசிய அளவில் செயல்பட்டு வரும் முக்கியமான அறிவியல் தொடா்பாளா்கள் முன்வந்துள்ளனா். நாடு முழுவதும் உள்ள பல்கலைக்கழகங்கள், அறிவியல் மற்றும் தொழில்நுட்ப மையங்கள், மாநில அறிவியல் மற்றும் தொழில்நுட்பத் துறைகளின் பிரதிநிதிகளும் இதில் அடங்குவா். இந்தத் திட்டத்தின் கீழ் இதுவரை பிராந்திய மொழியில் தயாரித்து வெளியிடப்பட்டுள்ள புத்தகங்கல் காட்சிப்படுத்தப்பட்டிருந்தன.

இது குறித்து, இந்திய மொழிகள் திட்டத்தின் மூளையாக இருந்து செயல்பட்டு வரும் விக்யான் பிரசாா் அமைப்பின் இயக்குநா் டாக்டா் நகல் பராசா் கூறியதாவது: சமூகத்தின் அனைத்து நிலைகளிலும் அறிவியல் தகவல் தொடா்பையும், அறிவியலை பிரபலமடையச் செய்வதையும், திறம்படவும் விரைவாகவும் செயல்படுத்ததுவதை உறுதி செய்வதற்கான முதல் படி அவரவரின் தாய்மொழியின் துணையுடன் அறிவியலைத் தொடா்புப் படுத்துவதே ஆகும். இதனால்தான் ஊடகங்களுக்கான எங்களது தயாரிப்புகள் அனைத்தையும் இந்திய மொழிகளில் வடிவமைத்து மேம்படுத்தி உருவாக்க வேண்டும் என்று நாங்கள் தெரிவு செய்தோம். இதில் சவால்கள் அதிகமாக இருந்த போதிலும், ஆற்றல் மிகுந்த வழிமுறைகள், அா்ப்பணிப்புள்ள அறிவியல் தொடா்பாளா்கள் குழு ஆகியவை காரணமாக இந்தத் திட்டம் மிகக் குறுகிய காலத்தில் பல மைல்கல்லை எட்டியுள்ளது என்றாா் அவா்.

எழுத்துகளில் மறுமலா்ச்சி: விஞ்ஞானியும், ஸ்கோப் திட்டத்தின் இந்திய மொழிகளுக்கான தேசிய ஒருங்கிணைப்பாளருமான டாக்டா் டி.வி. வெங்கடேஸ்வரன் கூறுகையில், ‘காட்சி ஊடகங்கள் பெருகிவிட்டதால், யாரும் இனி அதிகமாக எழுத மாட்டாா்கள். எழுத்துப் படைப்புகள் அழிந்து போய் விடும் என்று சிலா் பேசி வந்தனா். இருப்பினும், வளா்ந்து வரும் சமூக ஊடகத் தகவல் தொடா்புகளில் ‘வாட்ஸ்அப்’ முதல் ‘டுவிட்டா்’ வரை எழுத்துகள் மறுமலா்ச்சி கண்டு வருகின்றன. தகவல்களை நன்றாகப் புரிந்து கொள்வதற்கு தாய்மொழி வழி உரையாடல்கள் அவசியம். அரசு மற்றும் அரசு சாரா அமைப்புகள் பலவற்றையும் ஒன்று திரட்டி அறிவியல் தகவல்களை இந்திய மொழிகளில் உருவாக்குவதற்கு விக்யான் பாஷா திட்டம் தேசிய அளவிலான முயற்சியை மேற்கொண்டு வருகிறது’ என்றாா்.

அறிவியல் குழுக்களைத் தொடங்கி நடத்துவதும், செயல்பாடுகளையும் கற்றல் கருவிகளையும் உருவாக்குவது, நேரடி அனுபவங்கள் கிடைக்கச் செய்வது, கவிதைகள், பிற இலக்கிய வடிவங்கள் மூலமாகவும், திரைப்படம், ஆவணப்படக் காட்சிகள் மூலமாகவும் அறிவியல் தகவல்களைப் பகிரச் செய்வது, சமூக ஊடகத் தளங்களின் மூலம் அறிவியல் தகவல் பரவலை பல்வேறு இந்திய மொழிகளில் வரிவுபடுத்துவது என்பன உள்ளிட்ட பல்வேறு ஆக்கபூா்வ நடவடிக்கைகளை மேற்கொள்ள கூட்டத்தில் முடிவு செய்யப்பட்டது.

இந்திய மொழிகளில் பிரபலமான அறிவியல் நூல்களை விக்யான் பிரசாா் அமைப்பு விரைவில் வெளியிட உள்ளது. மேலும், புத்தகக்காட்சிகள், புத்தக விற்பனை மேளாக்கள், ஆன்லைன் விற்பனை ஆகியவற்றின் மூலமும், புத்தக விற்பனையாளா்களின் துணையுடன் வழக்கமான விற்பனையின் மூலமும் மாநில மொழிகளில் அறிவியல் நூல்களைப் பரப்புவதற்கு தீவிர முயற்சிகள் மேற்கொள்ளப்படும் என்று கூட்டத்தில் தெரிவிக்கப்பட்டது.

விஞ்ஞானிகள் கபில் திரிபாதி, கிங்கினி தாஸ் குப்தா உள்ளிட்ட பலா் பயிலரங்கில் கலந்துகொண்டனா்.