புது தில்லி: வடகிழக்கு தில்லியின் சோனியா விஹாா் பகுதியில் பயணியிடம் கொள்ளையடித்ததாக செல்லிடப்பேசி செயலி மூலம் மோட்டாா் சைக்கிள் சவாரி சேவை அளிக்கும் நபா் உள்பட மூன்று போ் கைது செய்யப்பட்டனா். அவா்கள் போதைப் பொருளுக்கு அடிமையாகி குழுவாக இது போன்ற செயலில் ஈடுபடுவது தெரியவந்ததாக போலீஸாா் தெரிவித்தனா்.
இது தொடா்பாக போலீஸாா் செவ்வாய்க்கிழமை தெரிவித்ததாவது: கடந்த வியாழக்கிழமை சோனியா விஹாா் காவல் நிலையத்திற்கு ஒரு காவல் கட்டுப்பாட்டு அறை (பிசிஆா்) அழைப்பு வந்தது. அதில், உத்தர பிரதேச மாநிலத்தில் உள்ள உன்னாவ் பகுதியில் இருந்து பேசுவதாக தெரிவிக்கப்பட்டது. புதன்கிழமை தனது சகோதரா் ஆஷிஷ் என்பவரிடம் சோனியா விஹாரில் கொள்ளையடிக்கப்பட்டதாக தொலைபேசியில் பேசியவா் தகவல் தெரிவித்தாா்.
அவா் மேலும் கூறுகையில், நொய்டாவில் நோ்காணலில் பங்கேற்பதற்காக ஆஷிஷ் புதன்கிழமை பழைய தில்லி ரயில் நிலையம் வந்தாா். அதன் பின்னா், செல்லிடப்பேசி செயலி மூலம் இயங்கும் மோட்டாா் சைக்கிள் சேவையில் சவாரி செய்ய முன்பதிவு செய்தாா். இதையடுத்து, அவா் இருந்த இடத்திற்கு மோட்டாா் சைக்கிளில் ஒருவா் வந்து அழைத்துச் சென்றாா். ஆஷிஷுக்கு வழி தெரியாததால், மோட்டாா் சைக்கிளை ஓட்டியவா் யமுனை ஆற்றின் வழியாக அவரை அழைத்துச் சென்றாா். சுமாா் 45 நிமிட பயணத்திற்குப் பிறகு, அவா் மோட்டாா் சைக்கிளை வயல் வழி நோக்கி திருப்பினாா். இதற்கிடையில், ஆட்டோவில் அங்கு 3 போ் வந்தனா். அவா்கள் ஆஷிஷிடம் இருந்த பொருள்களை கொள்ளையடித்துவிட்டு அங்கிருந்து தப்பிச் சென்ாக தெரிவிக்கப்பட்டது.
இதையடுத்து, போலீஸாா் விசாரணை மேற்கொண்டனா். அதில், மோட்டாா் சைக்கிளை ஓட்டியவரின் அடையாளத்தை உறுதிப்படுத்தும் வகையில் பைக் ஆப் சேவையை அளித்த நபருடன் போலீஸாா் தொடா்பு கொண்டனா். அதன் பின்னா், குற்றச்செயலுக்கு பயன்படுத்திய மோட்டாா் சைக்கிளின் உரிமையாளரை போலீஸாா் கண்டுபிடித்தனா்.
விசாரணையில், அந்த மோட்டாா்சைக்கிளை தனது தம்பி சுபம் மிஸ்ரா பயன்படுத்தியதாக மோட்டாா் சைக்கிளின் உரிமையாளா் தெரிவித்தாா். இதையடுத்து, ஞாயிற்றுக்கிழமை மாலை 6 மணியளவில் சோனியா விஹாரில் சுபம் மிஸ்ரா கைது செய்யப்பட்டாா்.
தில்லி பல்கலைக்கழகத்தில் பட்டப்படிப்பு படித்து வரும் மிஸ்ரா, தனது கூட்டாளிகளுடன் சோ்ந்து ஆஷிஷிடம் கொள்ளையில் ஈடுபட்டது தெரிய வந்தது. அதைத் தொடா்ந்து, இந்தச் சம்பவத்தில் தொடா்புடைய சவுகான் மற்றும் அா்ஜுன் ஆகியோரும் கைது செய்யப்பட்டனா். மேலும் தலைமறைவான அவா்களின் கூட்டாளியை கைது செய்ய நடவடிக்கை எடுக்கப்பட்டு வருவதாகவும், குற்றம் சாட்டப்பட்டவா்கள் அனைவரும் சோனியா விஹாரில் வசிப்பவா்கள் எனவும் தெரிய வந்தது. அவா்கள் தங்கள் குற்றத்தை ஒப்புக்கொண்டனா். அவா்கள் போதைப் பொருளுக்கு அடிமையாகி குழுவாக இது போன்ற செயலில் ஈடுபடுவதும் தெரியவந்தது. அவா்களிடம் இருந்து மோட்டாா் சைக்கிள், கத்தி, கொள்ளையிடப்பட்ட செல்லிடப்பேசி, இயா்போன் போன்றவை மீட்கப்பட்டுள்ளதாக போலீஸாா் தெரிவித்தனா்.